മലയാളത്തിനകത്തും പുറത്തും മോഹന്ലാലിന് ധാരാളം സെലിബ്രിറ്റി ആരാധകരുണ്ട്. തമിഴ് താരം ചിയാന് വിക്രം, വിജയ് സേതുപതി, ശിവകാര്ത്തികേയന് തുടങ്ങി നിരവധി അന്യഭാഷാ താരങ്ങള് മോഹന്ലാലിന്റെ ആരാധകരാണെന്ന് തുറന്നുപറഞ്ഞിട്ടുണ്ട്. ഇപ്പോഴിതാ മോഹന്ലാലിന് കടലും കടന്ന് പുതിയൊരു സെലിബ്രിറ്റി ഫാന് വന്നിരിക്കുകയാണ്.
ഹോളിവുഡ് സീരീസായ പീക്കി ബ്ലൈന്ഡേഴ്സിലൂടെ ശ്രദ്ധേയനായ കോസ്മോ ജാര്വിസാണ് മോഹന്ലാലിന്റെ അഭിനയം ഇഷ്ടമാണെന്ന് പറഞ്ഞത്. ആര്ട്ടിക്കിള് മാഗസിന് നല്കിയ അഭിമുഖത്തിലാണ് സി.ജെ എന്നറിയപ്പെടുന്ന കോസ്മോ തന്റെ ഇഷ്ടതാരങ്ങളുടെ പട്ടികയില് മോഹന്ലാലിന്റെ പേരും എടുത്തുപറഞ്ഞത്.
കഴിഞ്ഞ കുറച്ച് കാലങ്ങളായി ബോക്സ് ഓഫീസ് പ്രകടനത്തിന്റെ പേരിലും സ്ക്രിപ്റ്റ് സെലക്ഷന്റെയും പേരില് മോഹന്ലാല് ഒരുപാട് വിമര്ശനങ്ങള്ക്ക് വിധേയനാകേണ്ടി വന്നിരുന്നു. എന്നാല് രണ്ട് സിനിമകള് കൊണ്ട് മലയാളത്തിലെ സകല കളക്ഷന് റെക്കോഡും തന്റെ പേരിലാക്കി പഴയ സിംഹാസനം സ്വന്തമാക്കുന്ന കാഴ്ചക്കാണ് 2025 സാക്ഷിയായത്.
Content Highlight: Peaky Blinders actor Cosmo Jarvis interview portion about Mohanlal viral
