എവർഗ്രീൻ കോമ്പോ വീണ്ടും; ഹൃദയപൂർവ്വത്തിൻ്റെ പുതിയ പോസ്റ്റർ പുറത്ത് വിട്ടു
എന്റര്ടെയിന്മെന്റ് ഡെസ്ക്
Sunday, 13th July 2025, 10:46 pm
മലയാളത്തിന് ഒരുപിടി നല്ല സിനിമകൾ സമ്മാനിച്ച കൂട്ടുകെട്ടാണ് സത്യൻ അന്തിക്കാട്- മോഹൻലാൽ എന്നിവരുടേത്. ഇപ്പോൾ ഹൃദയപൂർവ്വം എന്ന സിനിമയിലൂടെ വീണ്ടും ഒന്നിച്ചിരിക്കുകയാണ് ഇരുവരും. ഹൃദയപൂർവ്വം എന്ന് പേരിട്ടിരിക്കുവന്ന ചിത്രത്തിൻ്റെ പുതിയ പോസ്റ്റർ പുറത്തുവിട്ടിരിക്കുകയാണ് അണിയറ പ്രവർത്തകർ. ചിത്രം ഓഗസ്റ്റ് 28ന് തിയറ്ററുകളിലെത്തും.
മോഹൻലാലിനേയും സംഗീത് പ്രതാപിനേയുമാണ് പോസ്റ്ററിൽ കാണിച്ചിരിക്കുന്നത്. ഫൺ മൂഡിലുള്ള ഫോട്ടോക്ക് മികച്ച അഭിപ്രായമാണ് സോഷ്യൽ മീഡിയയിൽ ലഭിച്ചിരിക്കുന്നത്. തുടരുമിന് ശേഷം മോഹൻലാലും സംഗീത് പ്രതാപും ഒന്നിക്കുന്ന ചിത്രമാണിത്. ‘ഹൃദയപൂർവ്വം നല്ല സിനിമയാണ്. ഒരു ഫീൽ ഗുഡ് ഫിലിം ആയിരിക്കും. പക്ഷേ സത്യേട്ടന്റെ സാധാരണ സിനിമകളിൽ നിന്നൊക്കെ മാറിയ ഒരു കഥയാണ്. അതിനുവേണ്ടി കാത്തിരിക്കാം,’ മോഹൻലാൽ മുമ്പ് പറഞ്ഞിരുന്നു.
