തിരുവനന്തപുരം: ഇന്ത്യന് ചലച്ചിത്രരംഗത്തെ സമഗ്ര സംഭാവനകള് പരിഗണിച്ച് 2023ലെ ദാദാസാഹിബ് ഫാല്ക്കെ പുരസ്കാരം നടന് മോഹന്ലാലിന്. ഇന്ത്യന് സിനിമയിലെ ഏറ്റവും വലിയ ബഹുമതിയാണ് ദാദാസാഹിബ് ഫാല്ക്കെ പുരസ്കാരം. ഇന്ത്യന് ചലച്ചിത്രത്തിന്റെ പിതാവ് എന്നറിയപ്പെടുന്ന ദാദാസാഹിബ് ഫാല്ക്കെയുടെ സ്മരണാര്ത്ഥം 1969 മുതല് കേന്ദ്ര സര്ക്കാര് നല്കുന്ന പുരസ്കാരം ആണിത്.
ഇത് രണ്ടാം തവണയാണ് ഒരു മലയാളിക്ക് ദാദാസാഹിബ് ഫാല്ക്കെ പുരസ്കാരം ലഭിക്കുന്നത്. അടൂര് ഗോപാലകൃഷ്ണനാണ് ഇതിന് മുമ്പ് ഈ പുരസ്കാരം ലഭിച്ച മലയാളി. 2004ലാണ് അടൂരിന് പുരസ്കാരം ലഭിച്ചത്.
ചൊവ്വാഴ്ച നടക്കുന്ന ദേശീയ ചലച്ചിത്ര അവാര്ഡ് ദാന ചടങ്ങില് പുരസ്കാരം മോഹൻലാലിന് സമ്മാനിക്കും.
കഴിഞ്ഞ വര്ഷത്തെ പുരസ്കാരം ബോളിവുഡ് നടന് മിഥുന് ചക്രവര്ത്തിക്കായിരുന്നു.
തലമുറകളെ പ്രചോദിപ്പിക്കുന്നതാണ് മോഹന്ലാലിന്റെ സിനിമായാത്രകളെന്ന് പുരസ്കാരം പ്രഖ്യാപിച്ചുകൊണ്ടുള്ള കുറിപ്പില് പറയുന്നു. നടനും സംവിധായകനും നിര്മാതാവുമായ മോഹന്ലാലിനെ ആദരിക്കുന്നുവെന്നും അദ്ദേഹത്തിന്റെ കഠിനാധ്വാനം അതുല്യമായ പ്രതിഭ തുടങ്ങിയവ ഇന്ത്യന് സിനിമാ ചരിത്രത്തില് സുവര്ണസ്ഥാനം നേടിയെന്നും കുറിപ്പില് പറയുന്നു.
Content Highlight: Mohanlal wins Dadasaheb Phalke Award