'ഫാല്‍ക്കെ അവാര്‍ഡ് നേടിയ പ്രിയപ്പെട്ട ലാലുവിന്': ഇച്ചാക്കയുടെ വക സ്‌നേഹ സമ്മാനം

ഇന്ത്യന്‍ സിനിമയുടെ പരമോന്നത ബഹുമതിയായ ദാദസാഹേബ് ഫാല്‍ക്കെ പുരസ്‌കാരം നേടിയ മോഹന്‍ലാലിനെ പൊന്നാടയണിയിച്ച് ആദരിച്ച് നടന്‍ മമ്മൂട്ടി. ഇരുവരും ഒന്നിക്കുന്ന പാട്രിയേറ്റിന്റെ സെറ്റില്‍ വെച്ചാണ് മമ്മൂട്ടിയും മറ്റ് അണിയറ പ്രവര്‍ത്തകരും ചേര്‍ന്ന് മോഹന്‍ലാലിനെ ആദരിച്ചത്.

മമ്മൂട്ടി തന്നെയാണ് പൊന്നാടയണിക്കുന്ന വീഡിയോ സമൂഹമാധ്യമങ്ങളിലൂടെ പങ്കുവെച്ചത്. ഫാല്‍ക്കെ അവാര്‍ഡ് നേടിയ പ്രിയപ്പെട്ട ലാലുവിന് സ്‌നേഹപൂര്‍വം എന്ന അടിക്കുറിപ്പോടെയാണ് പോസ്റ്റ് ഫേസ്ബുക്കില്‍ പങ്കുവെച്ചത്. മമ്മൂട്ടി പൊന്നാട അണിയിച്ചതിന് പിന്നാലെ മഹേഷ് നാരായണനും കുഞ്ചാക്കോ ബോബനും പൊന്നാടയണിയിച്ച് മോഹന്‍ലാലിനെ ആദരിക്കുന്നത് കാണാം.