തന്റെ മക്കളായ ഇന്ദ്രജിത്തിനും പൃഥ്വിരാജിനും പേരിട്ടതിനെ കുറിച്ച് സംസാരിക്കുകയാണ് മല്ലിക സുകുമാരന്. തങ്ങളുടെ മക്കള് പഠിക്കുന്ന സ്കൂളില് വേറെയാര്ക്കും ഉണ്ടാവാന് പാടില്ലെന്നായിരുന്നു സുകുമാരന്റെ പക്ഷമെന്നും അങ്ങനെയാണ് ഇന്ദ്രജിത്തെന്നും പൃഥ്വിരാജെന്നും പേരിട്ടതെന്നും മല്ലിക പറയുന്നു.
ഇന്ദ്രജിത്ത് രാവണന്റെ മകനാണെന്നും ആ പേരിടുന്നതിനെ കുറിച്ച് സുകുമാരനോട് ചോദിച്ചപ്പോള് ‘അയാള് ഒറ്റയാനെപ്പോലെ നിന്ന് പോരാടിയതാണ്. നല്ലയാളാണ് രാവണന്. എന്താണ് രാവണന് കുഴപ്പം?’ എന്ന മറുചോദ്യം ചോദിച്ചെന്നും മല്ലിക പറഞ്ഞു.
‘അമ്മയാവുന്നതും സങ്കല്പിച്ച് ചിന്തിച്ച് സന്തോഷിച്ച സമയമാണത്. സുകുവേട്ടനാവട്ടെ ജനിക്കാനിരിക്കുന്ന കുഞ്ഞിന് പേരിടാനുള്ള ആലോചനകളിലും. എന്റെ അച്ഛനിട്ട പോലെ സുകുമാരന് എന്നൊന്നും പേരുവേണ്ടെന്ന് ഇടയ്ക്ക് തമാശയും പറയും. നമ്മുടെ മക്കളുടെ പേര് അവര് പഠിക്കുന്ന സ്കൂളില് വേറെയാര്ക്കും ഉണ്ടാവാന് പാടില്ലെന്നായിരുന്നു അദ്ദേഹത്തിന്റെ പക്ഷം.
അങ്ങനെയാണ് മൂത്തവന് ഇന്ദ്രജിത്ത് എന്നും രണ്ടാമത്തവന് പൃഥിരാജെന്നും പേരിട്ടത്. സൈനിക് സ്കൂളില് നിന്ന് അവര് പഠിച്ചിറങ്ങുന്നതുവരെ അതുപോലൊരു പേരുകാര് അവിടെ വന്നിട്ടില്ല.
ഇന്ദ്രജിത്ത് രാവണന്റെ മകനാണ്. അങ്ങനെയൊരു പേര് മകന് വേണ്ടി ആലോചിച്ചപ്പോള് ഞാന് ചോദിച്ചു, ‘സുകുവേട്ടാ, നിങ്ങളെന്താ രാവണനാണോ’ എന്ന്. ‘എന്താ രാവണന് കുഴപ്പം? അയാള് ഒറ്റയാനെപ്പോലെ നിന്ന് പോരാടിയതാണ്. നല്ലയാളാണ് രാവണന്’ എന്നായിരുന്നു അപ്പോള് അദ്ദേഹത്തിന്റെ മറുചോദ്യം.
അന്നത്തെ ഇടതുപക്ഷ ചിന്താഗതിയിലാണ് അദ്ദേഹം ഇങ്ങനെ പറഞ്ഞത്. പക്ഷേ വര്ഷങ്ങള് കഴിയുന്തോറും അതൊക്കെ മാറിത്തുടങ്ങി. ഇടതുപക്ഷ സുഹൃത്തുക്കളോടൊക്കെ അദ്ദേഹം തന്റെ വിമര്ശനം ഉന്നയിക്കുന്നത് കേട്ടിട്ടുണ്ട്. ‘പഴയപോലെയല്ല ഇപ്പോള്, എല്ലാവര്ക്കും സ്വന്തം കാര്യം സിന്ദാബാദ് എന്ന രീതി വന്നു.’ എന്നൊക്കെയുള്ള പരിഭവങ്ങള് പറയുന്നതായി കേള്ക്കാമായിരുന്നു,’ മല്ലിക സുകുമാരന് പറയുന്നു.
