ഞാൻ അഭിനയിക്കുന്ന സിനിമകളിൽ എന്നെക്കാൾ പ്രാധാന്യമായ റോളുകൾ അദ്ദേഹത്തിന് ഉണ്ടാകട്ടെ: കുഞ്ചാക്കോ ബോബൻ

താൻ ഭിനയിക്കുന്ന സിനിമകളിൽ തന്നേക്കാൾ പ്രാധാന്യമുള്ള റോഷന് കിട്ടട്ടെയെന്നും അതിന് വേണ്ടി താൻ ആത്മാർത്ഥമായി ശ്രമിക്കുന്നുവെന്നും അദ്ദേഹം കൂട്ടിച്ചേർത്തു.

‘നമുക്കൊരു മലയാളം സിനിമ, ഒരു പാൻ ഇന്ത്യൻ ലെവലിൽ അല്ലെങ്കിൽ ഇന്ത്യയിൽ പിച്ച് ചെയ്യണമെങ്കിൽ റോഷന്റെ ഡേറ്റ് മേടിച്ചിട്ട് റോഷനെ കൊണ്ട് തന്നെ സ്ക്രിപ്റ്റ് നരേറ്റ് ചെയ്യിപ്പിക്കുക.

ഞാൻ അഭിനയിക്കുന്ന സിനിമകളിൽ എന്നെക്കാൾ പ്രാധാന്യമായ റോളുകൾ റോഷന് ഉണ്ടാകട്ടെ… അതിനു വേണ്ടി ഞാൻ ആത്മാർത്ഥമായി ശ്രമിക്കുന്നു.,’ കുഞ്ചാക്കോ ബോബൻ പറയുന്നു.

2016ല്‍ പുറത്തിറങ്ങിയ പുതിയ നിയമം എന്ന ചിത്രത്തിലൂടെ തന്റെ സിനിമാ കരിയര്‍ ആരംഭിച്ച നടനാണ് റോഷന്‍ മാത്യു. സിനിമക്കൊപ്പം നാടകത്തിലും സജീവമാണ് അദ്ദേഹം. മലയാളത്തിന് പുറമെ ഹിന്ദി, തമിഴ് എന്നീ ഭാഷകളിലുള്ള സിനിമകളിലും റോഷന്‍ അഭിനയിച്ചിട്ടുണ്ട്.

ചുരുങ്ങിയ സമയം കൊണ്ട് മലയാളത്തിലും അന്യഭാഷയിലും തന്റേതായ സ്ഥാനം നേടിയെടുക്കാന്‍ നടന് സാധിച്ചു. ആനന്ദം, കൂടെ, മൂത്തോന്‍, കപ്പേള, സി.യു സൂണ്‍ എന്നീ ചിത്രങ്ങളിലെ വേഷങ്ങളിലൂടെയാണ് റോഷന്‍ ഏറെ ശ്രദ്ധിക്കപ്പെടുന്നത്.

Content Highlight: Kunjacko Boban Talking about Roshan Mathew