ഏലത്തോട്ടത്തില്‍ പണിയെടുക്കുമ്പോള്‍ ഫഹദിന്റെ അമ്മയാകുന്നതിനെ കുറിച്ച് സംസാരിച്ചു, കുറച്ചുമാസത്തിന് ശേഷം അത് സംഭവിച്ചു: ജയ കുറുപ്പ്

മികച്ച പ്രേക്ഷക പ്രതികരണം നേടി തിയേറ്ററുകളില്‍ കുതിപ്പ് തുടരുകയാണ് പ്രണവ് മോഹന്‍ലാല്‍ ചിത്രം ഡീയസ് ഈറെ. ചിത്രം ഇതിനോടകം തന്നെ 50 കോടിയിലേറെ സ്വന്തമാക്കി.

ഡിയസ് ഈറെയില്‍ പ്രേക്ഷകര്‍ ഏറെ ശ്രദ്ധിച്ച കഥാപാത്രമായിരുന്നു പ്രണവിന്റെ അമ്മ എല്‍സമ്മയുടേത്. ജയ കുറുപ്പാണ് വെള്ളിത്തിരയില്‍ വേഷം ഗംഭീരമാക്കിയത്. 30 വര്‍ഷത്തോളം നാടകവേദികളില്‍ സജീവമായിരുന്ന ജയ കുറുപ്പ് ഇതിനോടകം തന്നെ ഒരു പിടി മികച്ച ചിത്രങ്ങളുടെ ഭാഗമായിട്ടുണ്ട്.