![?php echo $post['title']; ?>](https://assets.doolnews.com/w/900x473/2025/12/hardik-3.jpg)
സൗത്ത് ആഫ്രിക്കയുടെ ഇന്ത്യന്‍ പര്യടനത്തിലെ ടി-20 പരമ്പരയും ആതിഥേയര്‍ സ്വന്തമാക്കിയിരുന്നു. ഗുജറാത്ത് ക്രിക്കറ്റ് അസോസിയേഷന്‍ സ്‌റ്റേഡിയത്തില്‍ നടന്ന പരമ്പരിയിലെ അവസാന മത്സരത്തില്‍ വിജയിച്ചതോടെ 3-1നാണ് ഇന്ത്യയുടെ പരമ്പര വിജയം.
ഇന്ത്യ ഉയര്‍ത്തിയ 232 റണ്‍സിന്റെ വിജയലക്ഷ്യം പിന്തുടര്‍ന്നിറങ്ങിയ പ്രോട്ടിയാസിന് നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 201 റണ്‍സ് മാത്രമാണ് നേടാന്‍ സാധിച്ചത്.
India clinch the T20I series 3-1 against South Africa after a superb all-round effort in Ahmedabad 👏#INDvSA 📝: https://t.co/paoWh3lvVI pic.twitter.com/BPm0rDNtHh
— ICC (@ICC) December 19, 2025
തിലക് വര്‍മ (42 പന്തില്‍ 73), ഹര്‍ദിക് പാണ്ഡ്യ (25 പന്തില്‍ 63), സഞ്ജു സാംസണ്‍ (22 പന്തില്‍ 37), അഭിഷേക് ശര്‍മ (21 പന്തില്‍ 34) എന്നിവരുടെ കരുത്തിലാണ് ഇന്ത്യ മികച്ച സ്‌കോറിലെത്തിയത്.
ഈ അര്‍ധ സെഞ്ച്വറിക്ക് പിന്നാലെ അന്താരാഷ്ട്ര ടി-20യില്‍ 2,000 റണ്‍സ് പൂര്‍ത്തിയാക്കാനും ഹര്‍ദിക് പാണ്ഡ്യയ്ക്ക് സാധിച്ചിരുന്നു. ഈ നേട്ടത്തിലെത്തുന്ന അഞ്ചാം ഇന്ത്യന്‍ താരമാണ് ഹര്‍ദിക്. രോഹിത് ശര്‍മ, വിരാട് കോഹ്‌ലി, സൂര്യകുമാര്‍ യാദവ്, കെ.എല്‍. രാഹുല്‍ എന്നിവരാണ് 2,000 ടി-20ഐ റണ്‍സ് പൂര്‍ത്തിയാക്കിയ മറ്റ് ഇന്ത്യന്‍ താരങ്ങള്‍.
ഹര്‍ദിക് പാണ്ഡ്യ. Photo: BCCI/x.com
എന്നാല്‍ മറ്റൊരു ഇന്ത്യന്‍ താരത്തിനുമില്ലാത്ത നേട്ടത്തിലേക്കും ഹര്‍ദിക് പാണ്ഡ്യ കാലെടുത്ത് വെച്ചു. അന്താരാഷ്ട്ര ടി-20യില്‍ 2,000 റണ്‍സും 100 വിക്കറ്റുകളും പൂര്‍ത്തിയാക്കുന്ന താരമെന്ന നേട്ടമാണ് ഹര്‍ദിക് തന്റെ പേരിലെഴുതിച്ചേര്‍ത്തത്.
ഈ ഐക്കോണിക് ഡബിള്‍ സ്വന്തമാക്കുന്ന അഞ്ചാമത് താരമാണ് ഹര്‍ദിക്.
South African bowlers be like – Mujhe Kyun Toda! 🥹 pic.twitter.com/Htx61kGgsY
— Mumbai Indians (@mipaltan) December 20, 2025
അന്താരാഷ്ട്ര ടി-20യില്‍ 2000 റണ്‍സും 100 വിക്കറ്റും നേടിയ താരങ്ങള്‍
(താരം – ടീം – റണ്‍സ് – വിക്കറ്റ് എന്നീ ക്രമത്തില്‍)
ഷാകിബ് അല്‍ ഹസന്‍ – ബംഗ്ലാദേശ് – 2,551 – 149
മുഹമ്മദ് നബി – അഫ്ഗാനിസ്ഥാന്‍ – 2,417 – 104
സിക്കന്ദര്‍ റാസ – സിംബാബ്‌വേ – 2,883 – 102
വിരണ്‍ദീപ് സിങ് – മലേഷ്യ – 3,180 – 109
ഹര്‍ദിക് പാണ്ഡ്യ – ഇന്ത്യ – 2,002 – 101*
ഹര്‍ദിക് പാണ്ഡ്യ. Photo: BCCI/x.com
ഈ ഇരട്ട നേട്ടം സ്വന്തമാക്കിയ താരങ്ങളില്‍ ഹര്‍ദിക് പാണ്ഡ്യ മാത്രമാണ് ഫാസ്റ്റ് ബൗളിങ് ഓള്‍റൗണ്ടര്‍. മറ്റുള്ള നാല് താരങ്ങളും സ്പിന്‍ ബൗളിങ് ഓള്‍റൗണ്ടര്‍മാരാണ്.
ഗുജറാത്തില്‍ നടത്തിയ വെടിക്കെട്ടിന് പിന്നാലെ കളിയിലെ താരമായും ഹര്‍ദിക് തെരഞ്ഞെടുക്കപ്പെട്ടിരുന്നു.
Content Highlight: Hardik Pandya is the 1st Indian batter to complete 2,000 runs and 100 wickets in T20I
