കോഴിക്കോട്: വടകര നഗരസഭയിലെ ജീവനക്കാര്‍ക്ക് കൂട്ട സസ്‌പെന്‍ഷന്‍. എഞ്ചിനീയറിങ് വിഭാഗത്തിലെ നാല് പേര്‍ക്കെതിരെയാണ് സസ്പന്‍ഷന്‍. ജീവനക്കാര്‍ ക്രമക്കേട് നടത്തിയത് തെളിഞ്ഞതിനെ തുടര്‍ന്നാണ് നടപടി. വടകര നഗകരസഭയില്‍ നടപ്പിലാക്കിയിട്ടുള്ള എഞ്ചിനീയറിങ് പദ്ധതികളുമായി ബന്ധപ്പെട്ട് ക്രമക്കേട് നടത്തിയെന്നാണ് ആഭ്യന്തര വിഭാഗത്തിന്റെ അന്വേഷണത്തില്‍ തെളിഞ്ഞത്.

നേരത്തെ ഇതുമായി ബന്ധപ്പെട്ട് നാല് പേരെ സസ്‌പെന്റ് ചെയ്തിരുന്നു. ആരോപണ വിധേയരായ മറ്റ് ഉദ്യോഗസ്ഥരെ സ്ഥലം മാറ്റുകയും ചെയ്തിരുന്നു. കുറ്റക്കാരാണെന്നതിനെ തുടര്‍ന്ന് വടകര നഗര സഭയിലെ അനഘ്, പ്രിയ, പ്രഭിഷ്, റെജുല എന്നിവര്‍ക്കെതിരെയാണ് സസ്പന്‍ഡ് ചെയ്തത്.

Content Highlight: Four employees of Vadakara Municipality suspended