കോട്ടയം: കേരള കോണ്‍ഗ്രസ് ജോസ് വിഭാഗത്തെ കോണ്‍ഗ്രസില്‍ നിന്നും പുറത്താക്കിയതിന് പിന്നാലെ പാര്‍ട്ടിയില്‍ കൊഴിഞ്ഞുപോക്ക്.

കോട്ടയം ജില്ലാ പഞ്ചായത്ത് മുന്‍ അംഗം ജോസ് മോന്‍ മുണ്ടയ്ക്കല്‍ കേരള കോണ്‍ഗ്രസ് ജോസ് വിഭാഗം വിട്ടു.

പി.ജെ ജോസഫിനൊപ്പം തുടര്‍ന്ന് പ്രവര്‍ത്തിക്കുമെന്നും ജോസ് വിഭാഗത്തില്‍ നിന്നും വിടുകയാണെന്നും ജോസ് മോന്‍ മുണ്ടയ്ക്കല്‍ അറിയിച്ചു.

ജോസ് കെ. മാണി വിഭാഗത്തില്‍ നിന്ന് ധാരാളം പേര്‍ വരാന്‍ താത്പര്യം പ്രകടിപ്പിച്ചിട്ടുണ്ടെന്നും മുന്നണി വിട്ട സാഹചര്യത്തിലാണ് ഇത്തരമൊരു തീരുമാനം പല നേതാക്കളും കൈക്കൊളളുന്നതെന്നും പി.ജെ. ജോസഫ് പ്രതികരിച്ചിരുന്നു.

വരാനുളളവവരുടെ നീണ്ട ലിസ്റ്റുണ്ടെന്നും എന്നാല്‍ ആരുടെ പേരും പറയുന്നില്ലെന്നും എം.എല്‍.എമാരുണ്ടോ എന്ന് ഇപ്പോപറയാനാവില്ലെന്നും പി.ജെ ജോസഫ് പറഞ്ഞിരുന്നു.

കോണ്‍ഗ്രസില്‍ നിന്നും ജോസ് വിഭാഗത്തെ പുറത്താക്കാനുള്ള തീരുമാനം സ്വാഭാവികമാണെന്നും എല്ലാം യു.ഡി.എഫ് തീരുമാനിക്കുമെന്നും പി.ജെ. ജോസഫ് പറഞ്ഞിരുന്നു.

മുന്നണി നിര്‍ദേശങ്ങളും ധാരണകളും പാലിക്കാത്തവര്‍ക്ക് മുന്നണിയില്‍ തുടരാനാവില്ല. ഉണ്ടായത് സ്വാഭാവിക പരിണാമമാണെന്നുമായിരുന്നു പി.ജെ ജോസഫ് പറഞ്ഞത്.

ഡൂള്‍ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക 

ഡൂള്‍ന്യൂസിനെ  സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ