ആര്.എസ്.എസിനെ മാതൃകയാക്കി കോണ്ഗ്രസ്; സംഘടനാ സംവിധാനത്തില് അടിമുടി മാറ്റം വരുന്നു
ഡൂള്ന്യൂസ് ഡെസ്ക്
Tuesday, 10th September 2019, 9:04 am
ന്യൂദല്ഹി: കോണ്ഗ്രസ് സംഘടനാ സംവിധാനം അടിമുടി മാറ്റുന്നു. ആര്.എസ്.എസ് മാതൃകയിലുള്ള സംഘടനാ സംവിധാനത്തിലേക്കാണ് കോണ്ഗ്രസിനെ ഉടച്ചുവാര്ക്കുക.
ലോക്സഭാ തെരഞ്ഞെടുപ്പിലേറ്റ കനത്ത തോല്വിയും തുടര്ന്നുണ്ടായ സംഘടനാ പ്രശ്നങ്ങളുമാണ് ഇതിലേക്കെത്താന് കാരണം. പാര്ട്ടിയെ പുനരുജ്ജീവിപ്പിക്കാന് ഈ നീക്കം ഗുണം ചെയ്യുമെന്നാണ് കോണ്ഗ്രസിനുള്ളിലെ വിലയിരുത്തല്.
ഈ മാസം മൂന്നിനു ദല്ഹിയില് ചേര്ന്ന ഒരു വര്ക്ക്ഷോപ്പിലായിരുന്നു ഇക്കാര്യത്തില് തീരുമാനമായത്. അസം മുന് മുഖ്യമന്ത്രി തരുണ് ഗോഗോയിയാണ് ഈ ആശയം മുന്നോട്ടുവെച്ചത്. എല്ലാവരും ഈ ആശയത്തെ പിന്തുണയ്ക്കുകയായിരുന്നു.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
പാര്ട്ടിയുടെ ആശയവും ചരിത്രവും പ്രവര്ത്തകരെ കൃത്യമായി ബോധ്യപ്പെടുത്താന് ഇതുവഴി കഴിയുമെന്നാണ് കോണ്ഗ്രസിന്റെ പ്രതീക്ഷ.
