പാലക്കാട്: പാലക്കാട്ടെ എന്‍.ഡി.എ സ്ഥാനാര്‍ത്ഥി ശോഭാ സുരേന്ദ്രന്‍ ഭീഷണിപ്പെടുത്തിയെന്ന് ആരോപിച്ച ബി.ജെ.പി നേതാവിനെ സസ്‌പെന്‍ഡ് ചെയ്തു. പ്രാദേശിക നേതാവ് ബിന്ദു വിനയകുമാറിനെയാണ് പാര്‍ട്ടിയുടെ പ്രാഥമിക അംഗത്വത്തില്‍ നിന്നും സസ്‌പെന്‍ഡ് ചെയ്തിരിക്കുന്നത്.

തുടര്‍ച്ചയായ അച്ചടക്ക ലംഘനങ്ങളുണ്ടെന്ന് ചൂണ്ടിക്കാട്ടിയാണ് സസ്‌പെന്‍ഷന്‍. ബി.ജെ.പി സംസ്ഥാന അധ്യക്ഷന്‍ രാജീവ് ചന്ദരശേഖറിന്റേതാണ് നടപടി.

പാലക്കാട്ടെ വോട്ടിന് പണത്തില്‍ ശോഭാ സുരേന്ദ്രനെതിരെ ബിന്ദു രംഗത്തെത്തിയിരുന്നു. ബി.ജെ.പി ആലപ്പുഴ നോര്‍ത്ത് ജില്ലാ കമ്മിറ്റി അംഗമാണ് ബിന്ദു.

പാലക്കാട്ടെ വോട്ടിന് നോട്ട് വിവാദവുമായി ബന്ധപ്പെട്ട് ശോഭയ്ക്കെതിരെ വെളിപ്പെടുത്തലുമായി ബിന്ദു രംഗത്തെത്തിയിരുന്നു. പാലക്കാട് പണം കൊടുത്തയച്ചത് ബിന്ദുവാണെന്ന ശോഭയുടെ ആരോപണവും അവര്‍ തള്ളിയിരുന്നു.

Also Read

Also Read

ഹിരക് റാണിയോട് ടാറ്റാ ബൈ ബൈ പറയാനുള്ള സമയം, സ്ത്രീകള്‍ക്ക് 24 മണിക്കൂര്‍ സുരക്ഷ ബി.ജെ.പി ഉറപ്പാക്കും; ബംഗാളില്‍ അമിത് ഷാ

ശോഭാ സുരേന്ദ്രന്‍ തന്നെ ഫോണിലൂടെ അസഭ്യം പറയുകയും പാര്‍ട്ടിയില്‍ നിന്ന് പുറത്താക്കുമെന്ന് ഭീഷണിപ്പെടുത്തുകയും ചെയ്തതായും ബിന്ദു ആരോപിച്ചു. ഇത് സംബന്ധിച്ചുള്ള ഫോണ്‍ റെക്കോര്‍ഡും ബിന്ദു പുറത്തുവിട്ടിരുന്നു. ഇതിന് പിന്നാലെയാണ് ബി.ജെ.പിയുടെ നടപടി.

Content Highlight: BJP suspends Bindu Vinayakumar