ഒന്നും രണ്ടുമല്ല, പതിനായിരം രൂപയാണ് വോട്ട് ചെയ്യാന് വേണ്ടി ഓരോ സ്ത്രീകള്ക്കും ബി.ജെ.പി കൊടുത്തത്: അശോക് ഗെഹ്ലോട്ട്
ഡൂള്ന്യൂസ് ഡെസ്ക്
Friday, 14th November 2025, 12:33 pm
ജയ്പൂര്: ബീഹാര് തെരഞ്ഞെടുപ്പില് കോണ്ഗ്രസും മഹാഗഡ്ബന്ധന് സഖ്യവും നേരിട്ട തിരിച്ചടിയില് പ്രതികരണവുമായി കോണ്ഗ്രസ് നേതാവും രാജസ്ഥാന് മുന് മുഖ്യമന്ത്രിയുമായ അശോക് ഗെഹ്ലോട്ട്.
മഹാഗഡ്ബന്ധന് സഖ്യത്തെ തോല്പ്പിക്കാനായി ബി.ജെ.പി ഓരോ സ്ത്രീകള്ക്കും 10000 രൂപ വീതം നല്കിയെന്നായിരുന്നു അശോക് ഗെഹ്ലോട്ടിന്റെ പ്രതികരണം.
10,000 രൂപ വീതം നല്കി ബി.ജെ.പി തെരഞ്ഞെടുപ്പ് തങ്ങള്ക്ക് അനുകൂലമാക്കിയെന്നും ഗെഹ്ലോട്ട് പറഞ്ഞു. ‘ബീഹാറിലെ തെരഞ്ഞെടുപ്പ് ഫലങ്ങള് നിരാശാജനകമാണ്, അതില് സംശയമില്ല. എന്നാല് അവിടെ ഞാന് കണ്ട ചില കാര്യങ്ങളുണ്ട്. അത് പറയാതിരിക്കാനാവില്ല.
അവിടെ സ്ത്രീകള് ഓരോരുത്തര്ക്കും 10,000 വീതം നല്കി. തെരഞ്ഞെടുപ്പ് പ്രചാരണം നടക്കുമ്പോള് പോലും അത് നല്കിക്കൊണ്ടിരുന്നു. ഇതിനെല്ലാം തെരഞ്ഞെടുപ്പ് കമ്മീഷന് നിശബ്ദ കാഴ്ചക്കാരായി.
