ജോജുവിന്റെ നായികയാവാന് തെന്നിന്ത്യന് താരം
എന്റര്ടെയിന്മെന്റ് ഡെസ്ക്
Friday, 13th January 2023, 1:26 pm
ജോജു ജോര്ജ് നായകനാകുന്ന പുതിയ ചിത്രമാണ് ഇരട്ട. ആദ്യമായി ജോജു ജോര്ജ് ഇരട്ട വേഷത്തിലെത്തുന്നു എന്ന പ്രത്യേകതയുമുണ്ട് ചിത്രത്തിന്. ഇരട്ടകളായ രണ്ട് പൊലീസ് ഉദ്യോഗസ്ഥരുടെ കഥ പറയുന്ന ചിത്രത്തില് നായികയായി എത്തുന്നത് നിരവധി തമിഴ്- മലയാള സിനിമകളില് നായികയായി എത്തിയ അഞ്ജലി ആണ്.
നവാഗതനായ രോഹിത് എം.ജി. കൃഷ്ണന് ആണ് ചിത്രത്തിന്റെ സംവിധായകന്. ഫെബ്രുവരി രണ്ടിനാണ് ചിത്രം തിയേറ്ററുകളില് എത്തുക. നിരവധി പൊലീസ് വേഷങ്ങള് ചെയ്ത് പ്രേക്ഷകരുടെ കയ്യടി നേടിയ ജോജുവിന്റെ കരിയറിലെ മറ്റൊരു ശക്തമായ പൊലീസ് വേഷം കൂടി ആയിരിക്കും ഇരട്ടയിലേത്. ഇരട്ടയുടെ ഫസ്റ്റ് ലുക്ക് പോസ്റ്റര് സോഷ്യല് മീഡിയയില് വലിയ രീതിയില് ചര്ച്ചയായിരുന്നു.
