ആ നടി ഭയങ്കര പ്രൊഫഷണലാണ്: അനശ്വര രാജന്
എന്റര്ടെയിന്മെന്റ് ഡെസ്ക്
Tuesday, 14th January 2025, 11:07 am
മഞ്ജു വാര്യരെ കുറിച്ച് സംസാരിക്കുകയാണ് അനശ്വര രാജന്
മഞ്ജു വാര്യര് കേന്ദ്ര കഥാപാത്രമായി 2017ല് പുറത്തിറങ്ങിയ ചിത്രമാണ് ഉദാഹരണം സുജാത. ഉദാഹരണം സുജാതയിലൂടെ ബാലതാരമായി കരിയര് ആരംഭിച്ച നടിയാണ് അനശ്വര രാജന്. ചിത്രത്തില് മഞ്ജു വാര്യരുടെ മകളായാണ് അനശ്വര എത്തിയത്. പിന്നീട് ഒരുപിടി മികച്ച ചിത്രങ്ങളുടെ ഭാഗമാവാന് അനശ്വരക്ക് സാധിച്ചിരുന്നു. 2023ല് പുറത്തിറങ്ങിയ നേരില് അനശ്വരയുടെ പ്രകടനത്തെ പലരും അഭിനന്ദിച്ചിരുന്നു.
ആദ്യ സിനിമയില് കൂടെ അഭിനയിച്ച മഞ്ജു വാര്യരെ കുറിച്ച് സംസാരിക്കുകയാണ് അനശ്വര രാജന്. മഞ്ജു വാര്യര് വളരെ പ്രൊഫഷണല് ആണെന്ന് അനശ്വര പറയുന്നു. എത്ര ലേറ്റായിട്ടുള്ള ഷൂട്ടാണെങ്കിലും നേരത്തെ ഉള്ള ഷൂട്ടാണെങ്കിലും മഞ്ജു നേരത്തെ തന്നെ അവിടെ ഉണ്ടാകുമെന്ന് അനശ്വര പറഞ്ഞു.
