ഞാന് ആദ്യമായി അഭിനയിക്കുന്ന സൂപ്പര്സ്റ്റാര് ചിത്രം; എല്ലാവരെയും എങ്ങനെ കംഫേര്ട്ടാക്കണമെന്ന് പഠിച്ചു: അമല പോള്
എന്റര്ടെയിന്മെന്റ് ഡെസ്ക്
Wednesday, 11th June 2025, 8:19 pm
2009ല് പുറത്തിറങ്ങിയ നീലത്താമര എന്ന ലാല് ജോസ് ചിത്രത്തിലൂടെ തന്റെ കരിയര് ആരംഭിച്ച നടിയാണ് അമല പോള്. തൊട്ടടുത്ത വര്ഷം പുറത്തിറങ്ങിയ തമിഴ് ചിത്രമായ മൈനയിലെ അഭിനയത്തിന് അമലക്ക് മികച്ച നടിക്കുള്ള തമിഴ്നാട് സംസ്ഥാന ചലച്ചിത്ര അവാര്ഡ് ലഭിച്ചിരുന്നു.
പിന്നീട് മലയാളത്തിന് പുറമെ വിവിധ ഭാഷകളില് മികച്ച കഥാപാത്രങ്ങള് ചെയ്യാന് നടിക്ക് സാധിച്ചു. 2011ല് വിക്രം നായകനായി എത്തിയ ദൈവ തിരുമകള് എന്ന സിനിമയിലും അമല അഭിനയിച്ചിരുന്നു. ഇപ്പോള് ജെ.എഫ്.ഡബ്ല്യുവിന് നല്കിയ അഭിമുഖത്തില് വിക്രത്തെ കുറിച്ചും ഈ സിനിമയെ കുറിച്ചും പറയുകയാണ് അമല പോള്.
വളരെ ഫണ്ണായിട്ടുള്ള നടനാണ് വിക്രം സാര്. അന്ന് ഞാന് ആദ്യമായിട്ടായിരുന്നു ഒരു സൂപ്പര്സ്റ്റാറിന്റെ കൂടെ വര്ക്ക് ചെയ്യുന്നത്. ഫാന് ഗേളായി തന്നെ ആ സിനിമ എനിക്ക് ചെയ്യാന് സാധിച്ചു. ഞാന് അദ്ദേഹത്തില് നിന്ന് ഒരുപാട് കാര്യങ്ങള് അന്ന് പഠിച്ചിരുന്നു.