അമേരിക്കയില്‍ അതിശൈത്യവും കൊടുങ്കാറ്റും: ഇരുപതിലേറെ മരണം; വെള്ളത്തിനായി വലഞ്ഞ് ജനങ്ങള്‍
ഡൂള്‍ന്യൂസ് ഡെസ്‌ക്
Thursday, 18th February 2021, 5:50 pm
ടെക്‌സാസ്: അതിശൈത്യത്തിലും കൊടുങ്കാറ്റിലും വിറങ്ങലിച്ച് അമേരിക്ക. ടെക്‌സാസില്‍ വീശിയടിച്ച ശീത കൊടുങ്കാറ്റില്‍ ഇരുപതിലേറെ പേര്‍ കൊല്ലപ്പെട്ടു. സംസ്ഥാനത്തെ മിക്ക സ്ഥലങ്ങളിലും വൈദ്യുതി ബന്ധം വിച്ഛേദിക്കപ്പെട്ടിരിക്കുകയാണ്.
മുപ്പത് വര്‍ഷത്തിനിടയിലെ ഏറ്റവും കുറഞ്ഞ താപനിലയിലാണ് ടെക്‌സാസ് ഇപ്പോള്‍. -18 ഡിഗ്രി സെല്‍ഷ്യസാണ് പ്രദേശത്തെ താപനില.
തണുപ്പില്‍ നിന്നും രക്ഷ നേടാനായി ഹീറ്ററുകളും മറ്റു സൗകര്യങ്ങളും ആളുകള്‍ അമിതമായി ഉപയോഗിക്കാന്‍ തുടങ്ങിയതോടെ വൈദ്യുതിക്കും ക്ഷാമം നേരിടുകയാണ്.
പ്രസിഡന്റ് ജോ ബൈഡന്‍ ടെക്‌സാസിലെ സ്ഥിതിഗതികള്‍ കണക്കിലെടുത്ത് നേരത്തെ തന്നെ സംസ്ഥാനത്ത് അടിയന്തരാവസ്ഥ പ്രഖ്യാപിച്ചിരുന്നു. ശീതക്കാറ്റിന് പിന്നാലെ മഞ്ഞിലും ഐസിലും പൂര്‍ണ്ണമായും മൂടപ്പെട്ട നിലയിലാണ് ടെക്‌സാസ്.
