'പ്രാതിനിധ്യം ഉണ്ടെങ്കില്‍ മഹാഗഡ്ബന്ധനില്‍ ചേരാം'; നിലപാട് വ്യക്തമാക്കി സി.പി.ഐ
ഡൂള്‍ന്യൂസ് ഡെസ്‌ക്
Monday, 15th August 2022, 2:25 pm
പട്‌ന: ബീഹാറിലെ മഹഗഡ്ബന്ധന്‍ സര്‍ക്കാരിന്റെ ഭാഗമാകാന്‍ താത്പര്യമുണ്ടെന്ന് അറിയിച്ച് സി.പി.ഐ. മന്ത്രിസ്ഥാനങ്ങള്‍ അനുവദിക്കുകയാണെങ്കില്‍ മുന്നണിയുടെ ഭാഗമാകാമെന്നാണ് സി.പി.ഐയുടെ നിലപാട്. ബി.ജെ.പിയുമായി സഖ്യമുപേക്ഷിച്ചതിന് പിന്നാലെയായിരുന്നു നിതീഷ് കുമാര്‍ ആര്‍.ജെ.ഡി ഉള്‍പ്പെടെയുള്ള പ്രതിപക്ഷ പാര്‍ട്ടികളോടൊപ്പം സഖ്യം ആരംഭിച്ചത്.
നേരത്തെ സി.പി.ഐയെ സഖ്യസര്‍ക്കാര്‍ ക്ഷണിച്ചിരുന്നെങ്കിലും പ്രാതിനിധ്യം തരാത്ത പക്ഷം മഹാഗഡ്ബന്ധന്റെ ഭാഗമാകാന്‍ താത്പര്യമില്ലെന്നായിരുന്നു പാര്‍ട്ടി നിലപാട്. എന്നാല്‍ മന്ത്രിസഭയില്‍ ചേരാന്‍ അനുമതി ലഭിച്ചാല്‍ അത് അംഗീകാരമായി കണക്കാക്കുമെന്നാണ് സി.പി.ഐ നേതാവ് അതുല്‍ കുമാര്‍ പി.ടി.ഐക്ക് നല്‍കിയ റിപ്പോര്‍ട്ട്.
