അസം ഉദാഹരണമാണ്, ഉത്തര്പ്രദേശിലും പൗരത്വ പട്ടിക കൊണ്ടു വരുമെന്ന് യോഗി ആദിത്യനാഥ്
ഡൂള്ന്യൂസ് ഡെസ്ക്
Monday, 16th September 2019, 11:56 am
ലക്നൗ: ആവശ്യമായി വരുമ്പോള് അസം മാതൃകയിലുള്ള പൗരത്വ പട്ടിക ഉത്തര്പ്രദേശിലും കൊണ്ടുവരുമെന്ന് യോഗി ആദിത്യനാഥ്. അസമില് നടപ്പിലാക്കിയത് വളരെ പ്രധാനപ്പെട്ടതും ധീരവുമായ നടപടിയായിരുന്നുവെന്നും പ്രധാനമന്ത്രി നരേന്ദ്രയോഗി ആദിത്യനാഥ് പറഞ്ഞു.
‘ആദ്യ ഘട്ടത്തില് അസമില് നടപ്പിലാക്കി. അവിടെ നടപ്പിലാക്കിയ രീതി ഞങ്ങള്ക്ക് മുന്നിലൊരു മാതൃകയാണ്. അവരുടെ അനുഭവം ഉപയോഗിച്ച് ഘട്ടം ഘട്ടമായി ഉത്തര്പ്രദേശിലും നടപ്പിലാക്കാന് കഴിയും. ദേശസുരക്ഷയെ സംബന്ധിച്ചെടുത്തോളം ഇത് വളരെ പ്രധാനപ്പെട്ടതാണ്. പാവങ്ങളുടെ അവകാശങ്ങള് അനധികൃത കുടിയേറ്റക്കാര് തട്ടിയെടുക്കുന്നത് അവസാനിപ്പിക്കാന് എന്.ആര്.സിയ്ക്ക് സാധിക്കുമെന്നും യോഗി ആദിത്യനാഥ് പറഞ്ഞു.
