വയനാട് മണ്ണിടിച്ചില് മനുഷ്യനിര്മിത ദുരന്തം, അശാസ്ത്രീയമായി കൂട്ടിയിട്ട മണ്ണ് ഒലിച്ചിറങ്ങിയത് അപകടത്തിന്റെ വ്യാപ്തി കൂട്ടി: ടി. സിദ്ദിഖ്
ആദർശ് എം.കെ.
Tuesday, 7th July 2026, 1:59 pm
കല്പ്പറ്റ: വയനാട് കള്ളാടി മീനാക്ഷി പാലത്തിന് സമീപമുണ്ടായ ശക്തമായ മണ്ണിടിച്ചില് ഒരു മനുഷ്യനിര്മ്മിത ദുരന്തമാണെന്ന് മന്ത്രി ടി. സിദ്ദിഖ്. തുരങ്കപാത നിര്മാണത്തിനായി അശാസ്ത്രീയമായി കൂട്ടിയിട്ടിരുന്ന മണ്ണ് ഒലിച്ചിറങ്ങിയതാണ് അപകടത്തിന്റെ വ്യാപ്തി വര്ധിപ്പിച്ചതെന്ന് ജില്ലയുടെ ചുമതലക്കാരന് കൂടിയായ മന്ത്രി കൂട്ടിച്ചേര്ത്തു.
നിര്മാണ കമ്പനിക്ക് വീഴ്ച പറ്റിയെന്നും, അപകട മുന്നറിയിപ്പുകള് കൊങ്കണ് കമ്പനി അവഗണിച്ചുവെന്നും മന്ത്രി പറഞ്ഞു. മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
ഇന്ന് (ജൂലൈ 7) രാവിലെയാണ് കള്ളാടി മീനാക്ഷി പാലത്തിന് സമീപം ഉരുള്പൊട്ടല് ഉണ്ടായത്. തൊഴിലാളികള് എത്തിയ ബസിന് മുകളിലേക്കും അവര് വിശ്രമിച്ചിരുന്ന ഷെഡിലേക്കുമാണ് മണ്ണ് ഇടിഞ്ഞുവീണത്. പ്രദേശത്ത് നിലവില് ശക്തമായ മഴ തുടരുന്നത് രക്ഷാപ്രവര്ത്തനത്തെ ബാധിക്കുന്നുണ്ട്.
