![?php echo $post['title']; ?>](https://assets.doolnews.com/w/900x473/2026/03/rohit-virat.jpg)
ഐ.പി.എല്ലില്‍ റോയല്‍ ചലഞ്ചേഴ്സ് ബംഗളൂരുവും കൊല്‍ക്കത്ത നൈറ്റ് റൈഡേഴ്‌സും തമ്മിലുള്ള വമ്പന്‍ പോരാട്ടമാണ് നടക്കുന്നത്. ബെംഗളൂരുവിന്റെ രണ്ടാം ഹോം ഗ്രൗണ്ടായ ഷഹീദ് വീര്‍ നാരായണ്‍ സിങ് ഇന്റര്‍നാഷണല്‍ ക്രിക്കറ്റ് സ്റ്റേഡിയത്തിലാണ് (റായ്പൂര്‍) മത്സരം.
നിലവില്‍ മത്സരത്തില്‍ ടോസ് നേടിയ ബെംഗളൂരു ബൗളിങ്ങാണ് തെരഞ്ഞെടുത്തത്. പവര്‍പ്ലേ പൂര്‍ത്തിയായപ്പോള്‍ രണ്ട് വിക്കറ്റ് നഷ്ടത്തില്‍ 56 റണ്‍സാണ് കൊല്‍ക്കത്ത നേടിയത്. ഫിന്‍ അലനെ 18 റണ്‍സിന് ഭുവനേശ്വര്‍ കുമാര്‍ പുറത്താക്കിയപ്പോള്‍ ക്യാപ്റ്റന്‍ അജിന്‍ക്യാ രഹാനെയെ 19 റണ്‍സിന് ഹേസല്‍വുഡ്ഡും കൂടാരം കയറ്റി.
#RCB checks in with early wickets ✅✅
🎥 Bhuvneshwar Kumar and Josh Hazlewood at it again in the powerplay ❤️🔥
Updates ▶️ https://t.co/X27WecYjiZ#TATAIPL | #KhelBindaas | #RCBvKKR pic.twitter.com/eaq32hkks1
— IndianPremierLeague (@IPL) May 13, 2026
അതേസമയം മത്സരത്തില്‍ ഏവരുടെയും പ്രധാന ശ്രദ്ധാകേന്ദ്രം സൂപ്പര്‍ താരം വിരാട് കോഹ്‌ലി തന്നെയാണ്. കളത്തിലിറങ്ങിയതോടെ ഒരു സൂപ്പര്‍ നേട്ടത്തില്‍ കുതിക്കാനും വിരാടിന് സാധിച്ചിരിക്കുകയാണ്. ഐ.പി.എല്ലില്‍ ഏറ്റവും കൂടുതല്‍ മത്സരങ്ങള്‍ കളിക്കുന്ന താരമെന്ന വമ്പന്‍ നേട്ടമാണ് വിരാട് സ്വന്തം പേരിലാക്കിയത്. ഈ നേട്ടത്തില്‍ രോഹിത് ശര്‍മയുടെ റെക്കോഡ് മറികടന്നാണ് താരം ഒന്നാം സ്ഥാനത്തെത്തിയത്.
ഐ.പി.എല്ലില്‍ ഏറ്റവും കൂടുതല്‍ മത്സരങ്ങള്‍ കളിച്ച താരങ്ങള്‍
279 – വിരാട് കോഹ്‌ലി
278 – രോഹിത് ശര്‍മ
278 – എം.എസ്. ധോണി
265 – രവീന്ദ്ര ജഡേജ
257 – ദിനേശ് കാര്‍ത്തിക്
222 – ശിഖര്‍ ധവാന്‍
221 – ആര്‍. അശ്വിന്‍
വിരാട് കോഹ്‌ലി
അതേസമയം ഇതുവരെ ഐ.പി.എല്ലില്‍ 36 മത്സരങ്ങളാണ് ഇരുവരും ഏറ്റുമുട്ടിയത്. അതില്‍ 15 മത്സരങ്ങളില്‍ മാത്രമാണ് ബെംഗളൂരുവിന് വിജയിക്കാന്‍ സാധിച്ചത്. 20 മത്സരങ്ങള്‍ കൊല്‍ക്കത്ത വിജയിച്ചപ്പോള്‍ ഒരു മത്സരം ഫലമില്ലാതെയും അവസാനിച്ചു.
പോയിന്റ് ടേബിളില്‍ ഒന്നാം സ്ഥാനത്തേക്ക് കുതിക്കാന്‍ ബംഗളൂരുവിന് കൊല്‍ക്കത്തയ്‌ക്കെതിരെ വിജയം അനിവാര്യമാണ്. നിലവില്‍ ഒമ്പത് പോയിന്റുമായി എട്ടാം സ്ഥാനത്ത് തുടരുന്ന കൊല്‍ക്കത്തയും വിജയത്തില്‍ കുറഞ്ഞതൊന്നും പ്രതീക്ഷിക്കുന്നില്ല.
We’re good to go in Raipur 🙌
It is ACTION time as #RCB meet #KKR 👊
Updates ▶️ https://t.co/X27WecYjiZ#TATAIPL | #KhelBindaas | #RCBvKKR pic.twitter.com/WOwAx2LRPS
— IndianPremierLeague (@IPL) May 13, 2026
കൊല്‍ക്കത്ത നൈറ്റ് റൈഡേഴ്സ് പ്ലെയിങ് ഇലവന്‍
ഫിന്‍ അലന്‍, അജിക്യാ രഹാനെ (ക്യാപ്റ്റന്‍), കാമറൂണ്‍ ഗ്രീന്‍, അംകൃഷ് രഘുവംശി (വിക്കറ്റ് കീപ്പര്‍), റോവ്മാന്‍ പവല്‍, മനീഷ് പാണ്ഡെ, റിങ്കു സിങ്, സുനില്‍ നരെയ്ന്‍, അനുകുല്‍ റോയ്, വൈഭവ് അറോറ, കാര്‍ത്തിക് ത്യാഗി
ചലഞ്ചേഴ്സ് ബെംഗളൂരു പ്ലെയിങ് ഇലവന്‍
വിരാട് കോഹ്‌ലി, ജേക്കബ് ബെഥേല്‍, രജത് പടിദാര്‍ (ക്യാപ്റ്റന്‍), ജിതേഷ് ശര്‍മ (വിക്കറ്റ് കീപ്പര്‍), ടിം ഡേവിഡ്, വെങ്കിടേഷ് അയ്യര്‍യര്‍, ക്രുനാല്‍ പാണ്ഡ്യ, ഭുവനേശ്വര്‍ കുമാര്‍, ജോഷ് ഹേസല്‍വുഡ്, ജേക്കബ് ഡഫി, റാസിക് ദര്‍
Content Highlight: Virat Kohli In Great Record Achievement In IPL
