റിയാസ് കുറ്റക്കാരനല്ല; ചാരപ്രവര്ത്തകയാണെന്ന് അറിഞ്ഞിരുന്നെങ്കില് വ്ളോഗറെ കേരളത്തിലേക്ക് വിളിക്കില്ല: വി.ഡി. സതീശന്
ഡൂള്ന്യൂസ് ഡെസ്ക്
Tuesday, 8th July 2025, 5:05 pm
തിരവനന്തപുരം: ചാരപ്രവര്ത്തിക്ക് അറസ്റ്റിലായ ഇന്ഫ്ളുവന്സര് ജ്യോതി മല്ഹോത്ര കേരളത്തില് എത്തിയ സംഭവത്തില് പ്രതികരണവുമായി പ്രതിപക്ഷ നേതാവ് വി.ഡി. സതീശന്. ജ്യോതി മല്ഹോത്ര കേരളത്തില് വന്നതില് ടൂറിസം വകുപ്പിനെയോ ടൂറിസം മന്ത്രിയെയോ താന് കുറ്റപ്പെടുത്തുന്നില്ലെന്ന് അദ്ദേഹം മാധ്യമങ്ങളോട് പറഞ്ഞു. ചാരപ്രവര്ത്തകയാണെന്ന് അറിഞ്ഞിരുന്നെങ്കില് വ്ളോഗറെ ഒരിക്കലും കേരളത്തിലേക്ക് വിളിക്കില്ലെന്നും അവര് ഇവിടെ വരുമ്പോള് ചാരപ്രവര്ത്തകയാണെന്ന് ആര്ക്കെങ്കിലും അറിയുമോയെന്നും അദ്ദേഹം ചോദിച്ചു.
എയര്പ്പോട്ടിലും റെയില്വേ സ്റ്റേഷനിലുമൊക്കെ നിരവധി ആളുകള് നമ്മളുടെ കൂടെ ഫോട്ടോ എടുക്കാറുണ്ടെന്നും ഇവരൊക്കെ നാളെ എന്തെങ്കിലും കേസില് കുടുങ്ങുകയാണെങ്കില് നമ്മുക്കൊന്നും ചെയ്യാന് പറ്റില്ലെന്നും വി.ഡി സതീശന് പറഞ്ഞു. തങ്ങള് ഉത്തരവാദിത്തപ്പെട്ട പ്രതിപക്ഷമാണെന്നും സി.പി.ഐ.എം ആണ് ഈ സ്ഥാനത്തെങ്കില് ടൂറിസം മന്ത്രി രാജിവെയ്ക്കണമെന്ന് പറഞ്ഞ് സമരം ചെയ്യുമായിരുന്നുവെന്നും പ്രതിപക്ഷ നേതാവ് കൂട്ടിച്ചേര്ത്തു.
