വി.ഡി സതീശന് പരാമര്ശം പിന്വലിച്ചില്ലെങ്കില് 2 കോടി നഷ്ടപരിഹാരം ആവശ്യപ്പെടും: വക്കീല് നോട്ടീസയച്ച് കടകംപള്ളി
ഡൂള്ന്യൂസ് ഡെസ്ക്
Thursday, 9th October 2025, 3:50 pm
തിരുവനന്തപുരം: ദ്വാരപാലക ശില്പം കടകംപള്ളി സുരേന്ദ്രന് കോടീശ്വരന് വിറ്റുവെന്ന ആരോപണത്തില് വി.ഡി സതീശനെതിരെ വക്കീല് നോട്ടീസ്.
പരാമര്ശം പിന്വലിക്കണമെന്ന് ആവശ്യപ്പെട്ടാണ് കടകംപള്ളി വക്കീല് നോട്ടീസയച്ചിരിക്കുന്നത്. പരാമര്ശം പിന്വലിച്ചില്ലെങ്കില് രണ്ട് കോടി നഷ്ടപരിഹാരം ആവശ്യപ്പെടുമെന്ന് അദ്ദേഹം അറിയിച്ചു.
അതേസമയം, ഇന്ന് (വ്യാഴാഴ്ച) നിയമസഭാ സമ്മേളനത്തിനിടെ പ്രതിപക്ഷം നിയമസഭയില് സംഘര്ഷമുണ്ടാക്കിയിരുന്നു. ശബരിമല സ്വര്ണപ്പാളി വിഷയത്തില് പ്രതിഷേധിക്കുന്നതിനിടെയാണ് വാച്ച് ആന്റ് വാര്ഡിനെതിരെ പ്രതിപക്ഷം ആക്രമണം നടത്തിയത്.
ചീഫ് മാര്ഷലിനെ മര്ദിക്കുകയും ചെയ്തിരുന്നു. ഈ സംഭവത്തില് മൂന്ന് പ്രതിപക്ഷ എം.എല്.എമാര്ക്ക് സസ്പെന്ഷന് ലഭിച്ചിരുന്നു. റോജി എം. ജോണ്, സനീഷ് കുമാര് ജോസഫ്, എം. വിന്സന്റ് എന്നിവരെയാണ് സസ്പെന്ഡ് ചെയ്തത്.
