യുവേഫ നേഷന്സ് ലീഗിന്റെ രണ്ടാം സെമി ഫൈനലില് ഫ്രാന്സിനെ തകര്ത്ത് സ്പെയ്ന് ഫൈനലില്. എം.എച്ച്.പി അരീനയില് നടന്ന മത്സരത്തില് നാലിനെതിരെ അഞ്ച് ഗോളിനാണ് സ്പെയ്ന് വിജയം സ്വന്തമാക്കിയത്. ജൂണ് ഒമ്പതിനാണ് ഫൈനല് മത്സരം. ആദ്യ സെമി വിജയിച്ചെത്തിയ പോര്ച്ചുഗലാണ് എതിരാളികള്.
മത്സരത്തിന്റെ 22ാം മിനിട്ടില് സ്പെയ്ന് മുമ്പിലെത്തി. ഒയാര്സ്ബാലിന്റെ പാസില് നിന്നും നിക്കോ വില്യംസാണ് ലാ റോജയുടെ ആദ്യ ഗോള് കണ്ടെത്തിയത്.
ആദ്യ ഗോള് പിറന്ന് കൃത്യം നാലാം മിനിട്ടില് സ്പെയ്ന് അടുത്ത വെടി പൊട്ടിച്ചു. മൈക്കല് മെരിനോയിലൂടെ ടീം ലീഡ് ഇരട്ടിയാക്കി. ഇത്തവണയും ഒയാര്സ്ബാലാണ് ഗോളിന് വഴിയൊരുക്കിയത്.
ആദ്യ പകുതി അവസാനിക്കുമ്പോള് രണ്ട് ഗോളിന്റെ ലീഡുമായി സ്പെയ്ന് മുന്നിട്ടുനിന്നു. യുവതാരം ലാമിന് യമാലിന് മഞ്ഞക്കാര്ഡ് ലഭിച്ചതാണ് ആദ്യ പകുതിയിലെ ശ്രദ്ധേയമായ മറ്റൊരു സംഭവം.
Williams and Merino put Spain in control against France 😤
രണ്ട് ഗോളിന്റെ ലീഡുമായി രണ്ടാം പകുതി ആരംഭിച്ച സ്പെയ്ന് പത്ത് മിനിട്ടിനുള്ളില് തന്നെ മൂന്നാം ഗോളും വലയിലെത്തിച്ചു. പെനാല്ട്ടിയിലൂടെ ലാമിന് യമാലാണ് ഗോള് സ്വന്തമാക്കിയത്. രണ്ട് മിനിട്ടിന് ശേഷം 55ാം മിനിട്ടില് പെഡ്രി ടീമിന്റെ നാലാം ഗോളും സ്വന്തമാക്കി സ്പെയ്നിന് മികച്ച ലീഡ് സമ്മാനിച്ചു.
ആദ്യ സെമിയില് ജര്മനിയെ ഒന്നിനെതിരെ രണ്ട് ഗോളിന് പരാജയപ്പെടുത്തി പോര്ച്ചുഗലിനെയാണ് സ്പെയ്നിന് ഫൈനലില് നേരിടാനുള്ളത്. മ്യൂണിക്കിലെ അലയന്സ് അരീനയിലാണ് യുവേഫ നേഷന്സ് ലീഗിന്റെ ജേതാക്കള് പിറവിയെടുക്കുക.
