യുവേഫ നേഷൻസ് ലീഗ് ഫുട്ബോളിന്റെ ലൂസേഴ്സ് ഫൈനലിൽ ജർമനിയെ തോൽപ്പിച്ച് ഫ്രാൻസ്. എതിരില്ലാത്ത രണ്ട് ഗോളിന് വിജയിച്ചാണ് ഫ്രാൻസ് നേഷൻസ് ലീഗിലെ മൂന്നാം സ്ഥാനക്കാരായത്. മത്സരത്തിൽ സൂപ്പർതാരം കിലിയൻ എംബാപ്പെ, മൈക്കിൾ ഒലിസെ എന്നിവരാണ് ഫ്രഞ്ച് പടയുടെ ഗോളുകൾ കണ്ടെത്തിയത്.
ലൂസേഴ്സ് ഫൈനലിൽ ആക്രമണത്തിന് തുടക്കമിട്ടത് ജർമനിയായിരുന്നു. പതിയെയാണ് ഫ്രാൻസ് മത്സരത്തിൽ താളം കണ്ടെത്തിയത്. ആദ്യ പകുതിയിൽ ഫ്രാൻസിന്റെ പോസ്റ്റ് ലക്ഷ്യമാക്കി ജർമൻ സംഘം മുന്നേറ്റങ്ങളുമായി കളം നിറഞ്ഞെങ്കിലും ഫ്രാൻസ് പ്രതിരോധം അതിനെല്ലാം തടയിട്ടു.
🔚 #GERFRA 90′ Min – 0:2 📋
👉 @equipedefrance = Platz 3 – Congrats! 🙌🤩🎉
#NationsLeague | #FRA | @FrenchTeam pic.twitter.com/KsuDNAHGoG— UEFA Nations League DE (@EURO2024DE) June 8, 2025
മറുവശത്ത് ഫ്രാൻസും ഒരു ഗോളിനായി കിണഞ്ഞു പരിശ്രമിച്ചു. ജർമൻ ഗോൾ കീപ്പർ മാര്ക്ക് ആന്ദ്രെ ടെര് സ്റ്റേഗന്റെ തകർപ്പൻ സേവുകളും ഗോൾ പോസ്റ്റിന് മുന്നിലെ പ്രകടനങ്ങളുമാണ് ഫ്രാൻസിന്റെ വഴി മുടക്കിയത്.
