കണ്ണൂര്: കണ്ണൂര് തിമിരി ബോംബേറ് കേസില് പത്ത് സി.പി.ഐ.എം പ്രവര്ത്തകര്ക്ക് 25 വര്ഷം തടവ്. തളിപ്പറമ്പ് അഡിഷണല് സെഷന്സ് കോടതിയാണ് ശിക്ഷ വിധിച്ചിരിക്കുന്നത്.
ആര്.എസ്.എസ് ബി.ജെ.പി പ്രവര്ത്തകര്ക്ക് നേരെ ബോംബെറിഞ്ഞു എന്ന കേസിലാണ് ശിക്ഷ വിധിച്ചിരിക്കുന്നത്. സി.പി.ഐ.എം മുന് ആലക്കോട് ഏരിയ സെക്രട്ടറിയും പഞ്ചായത്ത് അംഗവുമായ പി. വി. ബാബുരാജ് ഉള്പ്പെടെയുള്ളവരാണ് പ്രതികള്. ബാബുരാജ് അയോഗ്യനാവും.
2011 നവംബര് 27ന് വൈകുന്നേരം 4.30 ഓടെ തിമിരി കോളേജിന് സമീപം ബി.ജെ.പി ആര്.എസ്.എസ് പ്രവര്ത്തകര്ക്ക്നേരെ ബോംബെറിഞ്ഞുവെന്നാണ് കേസ്. പ്രദേശത്ത് ആര്.എസ്.എസ് ശാഖ തുടങ്ങുന്നതുമായി ബന്ധപ്പെട്ട് ഉയര്ന്ന തര്ക്കമാണ് ബോംബേറില് കലാശിച്ചത്. സംഭവത്തിന് തലേ ദിവസം ഇവിടെ സി.പി.ഐ.എം ആര്.എസ്.എസ് പ്രവര്ത്തകര് തമ്മില് സംഘട്ടനം നടന്നിരുന്നു.
ഇതില് പരുക്കേറ്റ് ആശുപത്രിയില് ചികിത്സയിലായിരുന്ന പ്രവര്ത്തകരെ പിറ്റേ ദിവസം വാഹനങ്ങളില് വീട്ടിലേക്ക് തിരിച്ചുകൊണ്ടു പോവുകയായിരുന്ന ബി.ജെ.പി-ആര്.എസ്.എസ് പ്രവര്ത്തകര്ക്ക് നേരെ ബോംബെറിഞ്ഞുവെന്നാണ് പ്രോസിക്യൂഷന് കേസ്.
ഡൂള്ന്യൂസില് സബ് എഡിറ്റര് ട്രെയ്നി. വാദി ഹുദ കോളേജില് നിന്നും ബി.എ ഇംഗ്ലീഷില് ബിരുദം. കാലിക്കറ്റ് പ്രസ് ക്ലബ്ബില് നിന്നും ജേണലിസത്തില് പി.ജി ഡിപ്ലോമ.
