തിരുവനന്തപുരം: ഈ മാസത്തെ സാമൂഹ്യസുരക്ഷ പെന്ഷന് ജൂണ് 20 മുതല് വിതരണം ചെയ്യുമെന്ന് ധനമന്ത്രി കെ. എന് ബാലഗോപാല്. 62 ലക്ഷത്തോളം പേര്ക്ക് പ്രതിമാസം 1600 രൂപയാണ് പെന്ഷനായി ലഭിക്കുക.
രണ്ടാം പിണറായി സര്ക്കാരിന്റെ നാലു വര്ഷ കാലയളവില് 38,500 കോടി രൂപയോളമാണ് സാമൂഹ്യസുരക്ഷാ പെന്ഷന് നല്കാനായി ആകെ ചെലവഴിച്ചത്.
2016-21 ലെ എല്.ഡി.എഫ് സര്ക്കാരിന്റെ കാലത്ത് യു.ഡി.എഫ് ഭരണകാലത്തെ 18 മാസത്തെ കുടിശികയുള്പ്പെടെ 35,154 കോടി രൂപ ക്ഷേമപെന്ഷനായി വിതരണം ചെയ്തു.
ഒമ്പത് വര്ഷം കൊണ്ട് ഒന്നും രണ്ടും പിണറായി സര്ക്കാരുകള് ക്ഷേമപെന്ഷനായി നല്കിയത് 73,654 കോടി രൂപയാണ്. 2011-16 ലെ യു.ഡി.എഫ് സര്ക്കാരിന്റെ കാലത്ത് ക്ഷേമ പെന്ഷനായി ആകെ നല്കിയ തുക 9,011 കോടി രൂപയാണ്.
കേന്ദ്രസര്ക്കാര് കേരളത്തിനുമേല് ഏര്പ്പെടുത്തിയ കടുത്ത സാമ്പത്തിക ഉപരോധത്തിലും സാധാരണക്കാരുടെ ക്ഷേമ കാര്യങ്ങളില് അതീവ ശ്രദ്ധയോടെയുള്ള സമീപനമാണ് സര്ക്കാര് സ്വീകരിക്കുന്നതെന്നും ധനമന്ത്രി വ്യക്തമാക്കി.
Content Highlight: This month’s welfare pension has been sanctioned; will be distributed from June 20 says K.N. Balagopal
