ഐ.പി.എല്‍ കവറേജ് നിര്‍ത്തിവെക്കുന്നുവെന്ന് ദ ന്യൂ ഇന്ത്യന്‍ എക്‌സ്പ്രസ്; ഈ സമയത്ത് ക്രിക്കറ്റ് ആഘോഷം പൊരുത്തക്കേട്
ഡൂള്‍ന്യൂസ് ഡെസ്‌ക്
Sunday, 25th April 2021, 9:11 am
ന്യൂദല്‍ഹി: ഐ.പി.എല്‍ ക്രിക്കറ്റ് കവറേജ് താല്‍ക്കാലികമായി നിര്‍ത്തിവെച്ച് ദ ന്യൂ ഇന്ത്യന്‍ എക്‌സ്പ്രസ്. രാജ്യത്ത് കൊവിഡ് വ്യാപനം രൂക്ഷമാകുന്ന സാഹചര്യത്തിലാണ് ന്യൂ ഇന്ത്യന്‍ എക്‌സ്പ്രസ് ഇത്തരമൊരു തീരുമാനത്തില്‍ എത്തിയത്.
രാജ്യത്തെ മനുഷ്യരുടെ ജീവിതത്തിലേക്കും മരണത്തിലേക്കും ശ്രദ്ധതിരിക്കാന്‍ വേണ്ടി തങ്ങളുടെ ഭാഗത്തുനിന്നുള്ള ചെറിയൊരു നീക്കമാണ് ഇതെന്നും പത്രം വ്യക്തമാക്കി. ഒരു ദേശമായി, നിശ്ചയദാര്‍ഢ്യത്തോടെ നില്‍ക്കേണ്ട സമയമാണ് ഇതെന്നും പത്രം വായനക്കാരോട് പറയുന്നു.
