സൗത്ത് ആഫ്രിക്ക-ഇന്ത്യ മത്സരം വൈകുന്നു; സംഭവം ഇങ്ങനെ

സൗത്ത് ആഫ്രിക്കയും ഇന്ത്യയും തമ്മിലുള്ള നാലാം ടി-20 മത്സരം വൈകുന്നു. ഉത്തര്‍ പ്രദേശിലെ എകാനാ ക്രിക്കറ്റ് സ്റ്റേഡിയം ബി ഗ്രൗണ്ടില്‍ നടക്കേണ്ട മത്സരം മൂടല്‍ മഞ്ഞ് കാരണമാണ് വൈകുന്നത്. ഇതോടെ നിലവില്‍ മത്സരത്തിന്റെ ടോസ് ഇടാന്‍ സാധിച്ചിട്ടില്ല. 7.30നാണ് മത്സരത്തിന്റെ അടുത്ത അപ്‌ഡേറ്റ് ലഭിക്കുക.

അതേസമയം നിലവില്‍ പരമ്പരയില്‍ 2-1ന് ഇന്ത്യയാണ് മുന്നിലുള്ളത്. പരമ്പര നഷ്ടപ്പെടാതിരിക്കാന്‍ പ്രോട്ടിയാസിന് ഈ മത്സരം ഏറെ നിര്‍ണായകമാണ്. എന്നാല്‍ കഴിഞ്ഞ മത്സരത്തില്‍ നിന്ന് വിട്ടുനിന്ന ജസ്പ്രീത് ബുംറ ഈ മത്സരത്തില്‍ തിരിച്ചുവരുന്നത് പ്രോട്ടിയാസിന് വലിയ തിരിച്ചടി കൂടിയാണ്.

ഇന്ത്യയുടെ ശക്തമായ ബൗളിങ് യൂണിറ്റിനെ സൗത്ത് ആഫ്രിക്ക പേടിക്കുക തന്നെ വേണം. ഫോമില്ലാത്ത ഇന്ത്യയുടെ ടോപ്പ് ഓര്‍ഡര്‍ ബാറ്റിങ്ങിനെ സമ്മര്‍ദത്തിലാക്കാനും ബൗളര്‍മാരെ പ്രതിരോധിക്കാനുമാകും പ്രോട്ടിയാസ് ഇത്തവണ തന്ത്രം മെനയുന്നത്.

പ്രതീക്ഷിക്കുന്ന ഇന്ത്യന്‍ പ്ലെയിങ് ഇലവന്‍

അഭിഷേക് ശര്‍മ, ശുഭ്മന്‍ ഗില്‍ (വൈസ് ക്യാപ്റ്റന്‍), സൂര്യകുമാര്‍ യാദവ് (ക്യാപ്റ്റന്‍), തിലക് വര്‍മ, ഹാര്‍ദിക് പാണ്ഡ്യ, ശിവം ദുബെ, ജിതേഷ് ശര്‍മ (വിക്കറ്റ് കീപ്പര്‍), അക്സര്‍ പട്ടേല്‍, ജസ്പ്രീത് ബുംറ, അര്‍ഷ്ദീപ് സിങ്, വരുണ്‍ ചക്രവര്‍ത്തി.

പ്രതീക്ഷിക്കുന്ന സൗത്ത് ആഫ്രിക്ക പ്ലെയിങ് ഇലവന്‍

ക്വിന്റണ്‍ ഡി കോക്ക് (വിക്കറ്റ് കീപ്പര്‍), എയ്ഡന്‍ മര്‍ക്രം (ക്യാപ്റ്റന്‍), ട്രിസ്റ്റന്‍ സ്റ്റബ്സ്, ഡെവാള്‍ഡ് ബ്രെവിസ്, ഡേവിഡ് മില്ലര്‍, ഡൊനോവന്‍ ഫെരേര, മാര്‍ക്കോ യാന്‍സെന്‍, കേശവ് മഹാരാജ്, ലൂത്തോ സിപാംല, ലുങ്കി എന്‍ഗിഡി, ആന്റിച്ച് നോര്‍ക്യ

Content Highlight: The fourth T20 match between South Africa and India has been delayed due to fog