ഏഷ്യാ കപ്പിനിടെ പാകിസ്ഥാന് ക്രിക്കറ്റ് ബോര്ഡ് (പി.സി.ബി) ചെയര്മാന് മൊഹ്സിന് നഖ്വിയുമായി ഹസ്തദാനം ചെയ്തതില് ഇന്ത്യന് നായകന് സൂര്യകുമാര് യാദവിനെതിരെ രൂക്ഷ വിമര്ശനവുമായി സോഷ്യല് മീഡിയ. ടൂര്ണമെന്റ് തുടങ്ങുന്നതിന് മുന്നോടിയായി നടത്തിയ വാര്ത്താസമ്മേളനത്തിന് ശേഷം താരം നഖ്വിയുമായി കൈ കൊടുക്കുന്ന വീഡിയോ വൈറലായതിന് പിന്നാലെയാണ് ആരാധകര് വിമര്ശനവുമായി എത്തിയത്.
നഖ്വിയുടെ കൈയില് രക്തമുണ്ടെന്നും അദ്ദേഹവുമായി കൈ കൊടുക്കുന്ന സൂര്യയുടെ മുഖത്ത് മുഴുവനും ചിരിയാണെന്നും ഒരു ആരാധകന് പറഞ്ഞു. ‘നമ്മുടെ നിഷ്കളങ്കരായ ജനങ്ങളെ കൊല്ലുന്ന ഇവരുമായി ഹസ്തദാനം നല്കുന്നത് ലജ്ജാകരമാണെന്നും’ ഒരു ആരാധകന് സോഷ്യല് മീഡിയയില് കുറിച്ചു.
‘സൂര്യകുമാര് യാദവിനെയും ബി.സി.സി.ഐയും കുറിച്ച് ലജ്ജിക്കുന്നു’വെന്നും, നമ്മുടെ രാജ്യത്തിന് ക്രിക്കറ്റ് നയതന്ത്രത്തിനാണ് കൂടുതല് പ്രാധാന്യമെന്നും ആരാധകര് സോഷ്യല് മീഡിയയില് പറഞ്ഞു.
ഒരുവശത്ത് നിരപരാധികള്ക്ക് ജീവന് നഷ്ടമായി, ഇവിടെ നമ്മള് പരസ്പരം പുഞ്ചിരിക്കുകയും കൈകൊടുക്കുകയും ചെയ്യുന്നു. ഇത് അങ്ങേയറ്റം ലജ്ജാകരമാണ്,’ മറ്റൊരു ആരാധകന് സോഷ്യല് മീഡിയയില് കുറിച്ചു.
Captain Suryakumar Yadav handshake with Pakistan’s interior minister Mohsin Naqvi who recently given India a threat after Operation Sindoor.
I don’t know how these people see their faces in mirror. They kill our innocent people & here we are handshaking with them. Shameful!! pic.twitter.com/QXZCHpMmcb
അതേസമയം, നേരത്തെ സൂര്യകുമാര് യാദവും പാകിസ്ഥാന് നായകന് സല്മാന് അലി ആഘയും ഹസ്തദാനം ചെയ്യാന് വിസമ്മതിച്ചുവെന്ന് റിപ്പോര്ട്ടുകള് വന്നിരുന്നു. ഇതിലും സോഷ്യല് മീഡിയയില് വിമര്ശനങ്ങള് ഉയര്ന്നിരുന്നു.
