വനിതാ ഏഷ്യാ കപ്പില്‍ ഇന്ത്യയും ഹോങ് കോങ്ങും തമ്മിലുള്ള മത്സരം നടന്നുകൊണ്ടിരിക്കുകയാണ്. ദുബായ് അന്താരാഷ്ട്ര സ്‌റ്റേഡിയത്തില്‍ നടക്കുന്ന മത്സരത്തില്‍ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യ നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍ 193 റണ്‍സാണ് അടിച്ചെടുത്തത്.

ഇന്ത്യന്‍ ഓപ്പണറും വെടിക്കെട്ട് ബാറ്ററുമായ സ്മൃതി മന്ഥാനയുടെ തകര്‍പ്പന്‍ പ്രകടനത്തിന്റെ മികവിലാണ് ഇന്ത്യ കൂറ്റന്‍ സ്‌കോറിലെത്തിയത്. സെഞ്ച്വറി നേടിയാണ് താരം തിളങ്ങിയത്. 64 പന്തില്‍ ഏഴ് സിക്‌സും 17 ഫോറും ഉള്‍പ്പെടെയാണ് സ്മൃതി വെടിക്കെട്ട് ബാറ്റിങ് പുറത്തെടുത്തത്. 193.75 എന്ന കിടിലന്‍ സ്‌ട്രൈക്ക് റേറ്റും താരത്തിനുണ്ടായിരുന്നു. താരത്തിന്റെ രണ്ടാമത്തെ ടി-20 സെഞ്ച്വറിയാണിത്.

ഇതോടെ ഒരു ചരിത്ര നേട്ടം സ്വന്തമാക്കാനും സ്മൃതിക്ക് സാധിച്ചിരിക്കുകയാണ്. അന്താരാഷ്ട്ര വനിതാ ക്രിക്കറ്റില്‍ ഏറ്റവും കൂടുതല്‍ സെഞ്ച്വറി നേടുന്ന താരമെന്ന നേട്ടമാണ് സ്മൃതി സ്വന്തം പേരില്‍ കുറിച്ചത്. ഈ നേട്ടത്തില്‍ ഓസ്‌ട്രേലിയന്‍ സൂപ്പര്‍ താരം മെഗ് ലാനിങ്ങിനെയും ലോറ വോള്‍വാട്ടിനെയും മറികടന്നാണ് സ്മൃതി ഒന്നാമനായത്.

അന്താരാഷ്ട്ര വനിതാ ക്രിക്കറ്റില്‍ ഏറ്റവും കൂടുതല്‍ സെഞ്ച്വറി നേടുന്ന താരങ്ങള്‍

സ്മൃതി മന്ഥാന (ഇന്ത്യ) – 18

മെഗ് ലാനിങ് (ഓസ്‌ട്രേലിയ) – 17

ലോറ വോള്‍വാട്ട് (സൗത്ത് ആഫ്രിക്ക) – 17

മത്സരത്തില്‍ ഇഖ്ര സഹറിന്റെ ത്രോയില്‍ റണ്‍ഔട്ട് ആയാണ് സ്മൃതി മടങ്ങിയത്.അതേസമയം മത്സരത്തില്‍ സ്മൃതിക്ക് പുറമെ 17 പന്തില്‍ രണ്ട് സിക്‌സും മൂന്ന് ഫോറും ഉള്‍പ്പെടെ 28 റണ്‍സ് നേടി ഷഫാലി വര്‍മയും തിളങ്ങി. പ്രതിക റവാള്‍ 10 റണ്‍സും റിച്ചാ ഘോഷ് 11 റണ്‍സുമാണ് നേടിയത്. ക്യാപ്റ്റന്‍ ഹര്‍മന്‍പ്രീത് 10 റണ്‍സിനായിരുന്നു മടങ്ങിയത്. മറ്റാര്‍ക്കും സ്‌കോര്‍ ഉയര്‍ത്താന്‍ സാധിച്ചില്ല.

ഹോങ് കോങ്ങിന് വേണ്ടി രണ്ട് വിക്കറ്റ് നേടി മികച്ച പ്രകടനം നടത്തിയത് മറീനാ ലബ്ലോയാണ്.

Content Highlight: Smriti Mandhana becomes the player with the most centuries in international women’s cricket

Related Topics

Indian Cricket Team Smriti Mandhana