ഐ.സി.സി 2026 ടി-20 ലോകകപ്പില് കഴിഞ്ഞ ദിവസം നടന്ന മത്സരത്തില് ശ്രീലങ്കയെ പരാജയപ്പെടുത്തി സിംബാബ്വേ ഗ്രൂപ്പ് ചാമ്പ്യന്മാരായി മുന്നോട്ട് കുതിച്ചിരിക്കുകയാണ്. കൊളംബോയിലെ ആര്. പ്രേമദാസ സ്റ്റേഡിയത്തില് നടന്ന മത്സരത്തില് ആറ് വിക്കറ്റിന്റെ വിജയമാണ് ഷെവ്റോണ്സ് സ്വന്തമാക്കിയത്.
ശ്രീലങ്ക ഉയര്ത്തിയ 179 റണ്സിന്റെ വിജയലക്ഷ്യം മൂന്ന് പന്ത് ശേഷിക്കെ സിംബാബ്വേ മറികടക്കുകയായിരുന്നു.
പ്ലെയര് ഓഫ് ദി മാച്ച് പുരസ്കാരനേട്ടത്തിന് പിന്നാലെ ഒരു ചരിത്ര നേട്ടവും റാസയെ തേടിയെത്തി. ഐ.സി.സി ടൂര്ണമെന്റുകളില് പ്ലെയര് ഓഫ് ദി മാച്ച് പുരസ്കാരം നേടുന്ന ഏറ്റവും പ്രായമേറിയ ക്യാപ്റ്റനെന്ന നേട്ടമാണ് റാസ സ്വന്തമാക്കിയത്. ഇന്ത്യന് ലെജന്ഡ് രോഹിത് ശര്മയെ മറികടന്നുകൊണ്ടായിരുന്നു റാസയുടെ നേട്ടം.
ഐ.സി.സി ടൂര്ണമെന്റില് കളിയിലെ താരമാകുന്ന പ്രായേമറിയ ക്യാപ്റ്റന്
ഇതിന് പുറമെ ടി-20 ലോകകപ്പില് പ്ലെയര് ഓഫ് ദി മാച്ച് പുരസ്കാരം നേടുന്ന പ്രായമേറിയ രണ്ടാമത് താരമെന്ന നേട്ടവും റാസ തന്റെ പേരിനൊപ്പം കുറിച്ചു. ലങ്കന് ലെജന്ഡ് സനത് ജയസൂര്യയാണ് ഈ റെക്കോഡില് ഒന്നാമന്.
സനത് ജയസൂര്യ
ടി-20 ലോകകപ്പില് കളിയിലെ താരമാകുന്ന പ്രായേമറിയ താരം
ഷോയ്ബ് മാലിക് – പാകിസ്ഥാന് – 39 വയസും 279 ദിവസവും
തിലകരത്നെ ദില്ഷന് – ശ്രീലങ്ക – 39 വയസും 155 ദിവസവും
ഡേവിഡ് വീസി – സ്കോട്ലാന്ഡ് – 39 വയസും 15 ദിവസവും
സിക്കന്ദര് റാസ. Photo: ICC
അതേസമയം, ഗ്രൂപ്പ് ബി-യില് നിന്നും മുന്നേറിയ സിംബാബ്വേ ഇന്ത്യയുള്പ്പടെയുള്ള ഗ്രൂപ്പ് വണ്ണില് നിന്നുമാണ് സൂപ്പര് 8 പോരാട്ടങ്ങള് കളിക്കുക. ഇന്ത്യയ്ക്ക് പുറമെ വെസ്റ്റ് ഇന്ഡീസും സൗത്ത് ആഫ്രിക്കയുമാണ് ഗ്രൂപ്പിലെ മറ്റ് ടീമുകള്.
