![?php echo $post['title']; ?>](https://assets.doolnews.com/w/900x473/2026/10/shreyas-iyer-2.jpg)
ഇന്ത്യ വെസ്റ്റ് ഇന്‍ഡീസ് ടി-20 പരമ്പര സമനിലയില്‍ അവസാനിച്ചിരിക്കുകയാണ്. അഞ്ച് മത്സരങ്ങളുടെ പരമ്പരയില്‍ ഇരുവരും രണ്ട് വീതം മാച്ചുകള്‍ വിജയിക്കുകയും നിര്‍ണായകമായ സീരീസ് ഡിസൈഡര്‍ മത്സരം മഴ മൂലം ഫലമില്ലാതെ അവസാനിക്കുകയും ചെയ്തതോടെയാണ് പരമ്പര സമനിലയില്‍ അവസാനിച്ചത്.
ഇപ്പോള്‍ പരമ്പര വിജയിക്കാന്‍ സാധിക്കാതെ പോയതിലെ നിരാശ പങ്കുവെക്കുകയാണ് ഇന്ത്യന്‍ നായകന്‍ ശ്രേയസ് അയ്യര്‍.
Nothing to separate the two sides! The #INDvWI T20I series ends in a hard-fought 2-2 draw 🏆 Well played @windiescricket 🤝 #TeamIndia | @mflone_ https://t.co/hctZnBzn2D
— BCCI (@BCCI) October 17, 2026
പരമ്പരയിലെ രണ്ടാം, നാലാം മത്സരങ്ങളിലെ മോശം ബോളിങ് പ്രകടനമാണ് പരമ്പര നഷ്ടപ്പെടുത്താന്‍ കാര്യമെന്നും, ആ മത്സരങ്ങളില്‍ മികച്ച രീതിയില്‍ പന്തെറിഞ്ഞിരുന്നെങ്കില്‍ പരമ്പരയുടെ വിധി മറ്റൊന്നായേക്കാമായിരുന്നുവെന്നും മത്സരശേഷം അദ്ദേഹം വ്യക്തമാക്കി.
‘ഞങ്ങള്‍ രണ്ടാം മത്സരത്തിലും നാലാം മത്സരത്തിലും നന്നായി പന്തെറിഞ്ഞിരുന്നെങ്കില്‍ പരമ്പരയുടെ ഫലം മറ്റൊന്നാകുമായിരുന്നു. ബാറ്റിങ്ങില്‍ ഞങ്ങള്‍ അസാധാരണ പ്രകടനമാണ് നടത്തിയത്. എന്നാല്‍ തന്ത്രങ്ങള്‍ കൃത്യമായി നടപ്പാക്കുന്നതില്‍ പിഴവുപറ്റി.
വെസ്റ്റ് ഇന്‍ഡീസിന് അര്‍ഹമായ ക്രെഡിറ്റ് നല്‍കണം. അവര്‍ അതിഗംഭീരമായാണ് ബാറ്റ് ചെയ്തത്. ഷായ് ഹോപ്പിന് പ്രത്യേക അഭിനന്ദനങ്ങള്‍. അദ്ദേഹം ഉജ്ജ്വല പ്രകടനമാണ് കാഴ്ചവെച്ചത്,’ ശ്രേയസ് അയ്യര്‍ പറഞ്ഞു.
An entertaining series comes to an end 🤝 🎥 BCCI Hon. Treasurer Mr A. Raghuram Bhat presents the @mflone_ T20I Series trophy to #TeamIndia Captain Shreyas Iyer and West Indies Captain Shai Hope 🏆 #INDvWI https://t.co/iKA8vx68ba
— BCCI (@BCCI) October 17, 2026
പരമ്പരയില്‍ നിന്ന് ടീമിന് ലഭിച്ച പോസിറ്റീവുകളെക്കുറിച്ചുള്ള ചോദ്യത്തിന്, സമ്മര്‍ദ്ദങ്ങളെ അതിജീവിച്ച് ശക്തമായി തിരിച്ചുവരാനുള്ള ഇന്ത്യന്‍ ടീമിന്റെ കഴിവിനെ ശ്രേയസ് എടുത്തുപറഞ്ഞു. എന്നാല്‍ മുഴുവന്‍ മത്സരങ്ങളിലും ഒരേ സ്ഥിരത പുലര്‍ത്താന്‍ ടീമിനായില്ലെന്നും, അതൊരു വലിയ പഠനാനുഭവമാണെന്നും അദ്ദേഹം കൂട്ടിച്ചേര്‍ത്തു.
അവസാന മത്സരത്തിലും തങ്ങള്‍ ബാറ്റിംഗില്‍ മികച്ച പ്രകടനമാണ് കാഴ്ചവെച്ചതെന്നും വരാനിരിക്കുന്ന ന്യൂസിലന്‍ഡ് പര്യടനം കടുത്ത വെല്ലുവിളിയായിരിക്കുമെന്നും അദ്ദേഹം കൂട്ടിച്ചേര്‍ത്തു.
West Indies impressed in a high-scoring T20I series and managed a 2-2 draw against India 💪 https://t.co/iy1h6AdRhW
— ICC (@ICC) October 17, 2026
വെസ്റ്റ് ഇന്‍ഡീസിനെതിരായ ടി-20 പരമ്പരയില്‍ ഇന്ത്യന്‍ ബൗളര്‍മാരില്‍ ഭൂരിഭാഗവും റണ്‍സ് വഴങ്ങുന്നതില്‍ പിശുക്ക് കാണിച്ചില്ല. ഇടംകൈ പേസര്‍ അര്‍ഷ്ദീപ് സിങ് 35 ശരാശരിയില്‍ അഞ്ച് വിക്കറ്റ് വീഴ്ത്തിയപ്പോള്‍ ഇക്കോണമി 10.94 ആയിരുന്നു. മായങ്ക് യാദവ് നാല് വിക്കറ്റ് നേടിയെങ്കിലും ഇക്കോണമി 10.80 ആയിരുന്നു.
അക്‌സര്‍ പട്ടേല്‍ നാല് വിക്കറ്റ് നേടിയപ്പോള്‍ ഇക്കോണമി 12.22 ആയി. പ്രിന്‍സ് യാദവിന് ഒരു വിക്കറ്റ് മാത്രമാണ് നേടാനായത്. താരത്തിന്റെ ഇക്കോണമി 9.12 ആയിരുന്നു.
Content Highlight: Shreyas Iyer reacts to the India-West Indies series ending in a draw.
