ന്യൂസിലാന്ഡിനെതിരായ ഏകദിന പരമ്പരയിലെ ആദ്യ മത്സരത്തില് മിന്നും വിജയമാണ് ഇന്ത്യ സ്വന്തമാക്കിയത്. വഡോധര ക്രിക്കറ്റ് സ്റ്റേഡിയത്തില് നടന്ന മത്സരത്തില് നാല് വിക്കറ്റിനാണ് ഇന്ത്യയുടെ വിജയം. മത്സരത്തില് ടോസ് നഷ്ടപ്പെട്ട് ബാറ്റിങ്ങിനിറങ്ങിയ കിവീസിന് എട്ട് വിക്കറ്റ് നഷ്ടത്തില് 300 റണ്സാണ് നേടാന് സാധിച്ചത്. ഒരു ഓവര് ബാക്കി നില്ക്കെ 306 റണ്സ് നേടിയാണ് ആതിഥേയര് വിജയക്കൊടി പാറിച്ചത്.
മത്സരത്തില് ഇന്ത്യയ്ക്ക് വേണ്ടി തകര്പ്പന് ബാറ്റിങ് പ്രകടനം നടത്തിയത് സൂപ്പര് താരം വിരാട് കോഹ്ലിയാണ്. 91 പന്തില് നിന്ന് ഒരു സിക്സും എട്ട് ഫോറും ഉള്പ്പെടെ 93 റണ്സിനാണ് താരം പുറത്തായത്. മാത്രമല്ല 47 പന്തില് ഒരു സിക്സും നാല് ഫോറും ഉള്പ്പെടെ 49 റണ്സ് നേടിയ ശ്രേയസ് അയ്യരും മികവ് പുലര്ത്തിയിരുന്നു. പരിക്ക് പറ്റിയതിന് ശേഷം ഏറെ കാലം കളത്തിന് പുറത്തായിരുന്ന ശ്രേയസ് മികച്ച തിരിച്ചുവരവാണ് നടത്തിയത്.
ഇതോടെ ഒരു മിന്നും നേട്ടത്തില് വിരാട് കോഹ്ലിയേക്കാള് മുന്നിലെത്താന് താരത്തിന് സാധിച്ചിരിക്കുകയാണ്. ഏകദിനത്തില് കഴിഞ്ഞ 20 ഇന്നിങ്സില് നിന്ന് ഏറ്റവും കൂടുതല് റണ്സ് നേടുന്ന ഇന്ത്യന് താരമെന്ന നേട്ടമാണ് അയ്യര് സ്വന്തമാക്കിയത്. 54 ആവറേജില് 1031 റണ്സാണ് താരം അടിച്ചെടുത്തത്. വിരാട് 60 ആവറേജില് 1024 റണ്സും നേടിയിട്ടുണ്ട്.
ഏകദിനത്തില് കഴിഞ്ഞ 20 ഇന്നിങ്സില് നിന്ന് ഏറ്റവും കൂടുതല് റണ്സ് നേടുന്ന ഇന്ത്യന് താരം, റണ്സ്, ആവറേജ്
അതേസമയം മൂന്ന് ഏകദിന മത്സരങ്ങള് അടങ്ങുന്ന പരമ്പരയില് നിലവില് 1-0 എന്നനിലയില് മുന്നിലാണ് ഇന്ത്യ. ഇരുവരും തമ്മിലുള്ള രണ്ടാം ഏകദിനം ജനവരി 14ന് സൗരാഷ്ട്ര ക്രിക്കറ്റ് സ്റ്റേഡിയത്തിലാണ് നടക്കുക. മത്സരത്തില് ഇന്ത്യ തന്നെ ആധിപത്യം തുടരുമെന്നാണ് ആരാധകര് വിശ്വസിക്കുന്നത്. അതേസമയം പരമ്പര കൈവിടാതിരിക്കാന് കിവീസിന് മത്സരത്തില് വിജയിച്ചേ മതിയാകൂ.
Content Highlight: Shreyas Iyer In Great Record Achievement In ODI
