അംബാനിയുടെ വിവാഹ ചടങ്ങില്‍ 'ജയ് ശ്രീറാം' വിളിച്ച് ഷാരൂഖ് ഖാന്‍; ശ്രീരാമനെ അപമാനിച്ചെന്ന് ഒരു കൂട്ടര്‍, ഇ.ഡി പേടിയെന്ന് ചിലര്‍; വിവാദം

ഗുജറാത്ത്: അനന്ത് അംബാനിയുടെ വിവാഹ ചടങ്ങിനിടെ അതിഥികളെ ‘ജയ് ശ്രീറാം’ വിളിച്ചുകൊണ്ട് അഭിവാദ്യം ചെയ്ത ഷാരൂഖ് ഖാനെതിരെ വിമര്‍ശനം. ജാംനഗറില്‍ വെച്ചുനടക്കുന്ന അനന്ത് അംബാനിയുടെയും രാധിക മര്‍ച്ചന്റിന്റെയും വിവാഹ ആഘോഷങ്ങളുമായി ബന്ധപ്പെട്ട നൃത്തപരിപാടികളിലേക്ക് അതിഥികളെ ക്ഷണിക്കുകയായിരുന്നു ഷാരൂഖ്.

കലാകാരന്മാരെ പരിചയപ്പെടുത്തുന്നതിന് മുമ്പ് ജയ് ശ്രീറാം എന്ന് പറഞ്ഞുകൊണ്ട് സദസിനെ ഷാരൂഖ് ഖാന്‍ അഭിവാദ്യം ചെയ്തു. ‘ജയ് ശ്രീറാം.., ദൈവം നിങ്ങളെയെല്ലാം അനുഗ്രഹിക്കട്ടെ. പ്രാര്‍ത്ഥനകളും അനുഗ്രഹങ്ങളും ഇല്ലാതെ ഒരു കൂട്ടായ്മ മുന്നോട്ട് പോകില്ല,’ എന്ന് ഷാരൂഖ് പറഞ്ഞു.