വനിതാ പ്രീമിയര് ലീഗില് (ഡബ്ല്യു.പി.എല്) ചരിത്രം കുറിച്ച് ദല്ഹി ക്യാപിറ്റല്സ് ഓപ്പണര് ഷെഫാലി വര്മ. ടൂര്ണമെന്റില് 1000 റണ്സ് നേടുന്ന രണ്ടാമത്തെ മാത്രം ഇന്ത്യന് താരമെന്ന നേട്ടമാണ് 21 കാരി സ്വന്തമാക്കിയത്. മുംബൈ ഇന്ത്യന്സിനെതിരെ നടക്കുന്ന മത്സരത്തിനിടെയാണ് താരത്തിന്റെ നേട്ടം.
മത്സരത്തില് ഷെഫാലി 24 പന്തുകള് നേരിട്ട് 29 റണ്സ് എടുത്തിരുന്നു. ആറ് ഫോറുകള് അടങ്ങുന്നതായിരുന്നു താരത്തിന്റെ ഇന്നിങ്സ്. ബാറ്റിങ്ങിനിടെ 15 റണ്സ് എടുത്തതോടെയാണ് ഇന്ത്യന് ഓപ്പണര് 1000 മാര്ക്ക് പിന്നിട്ടത്. നിലവില് താരത്തിന് ഡബ്ല്യു.പി.എല്ലില് 1014 റണ്സുണ്ട്.
ഷെഫാലി വര്മ. Photo: MD Raju/x.com
ഇതോടെ മുംബൈ ഇന്ത്യന്സ് ക്യാപ്റ്റന് ഹര്മന് പ്രീത് കൗറിന് ശേഷം ഡബ്ല്യു.പി.എല്ലില് 1000 റണ്സ് തികകുന്ന ആദ്യ ഇന്ത്യന് താരമാകാന് ഷെഫാലിയ്ക്ക് സാധിച്ചു. എന്നാല്, ടൂര്ണമെന്റ് ചരിത്രത്തില് ഇവര് മാത്രമല്ല ഇത്രയും റണ്സ് നേടിയവര്.
നാറ്റ് സിവര് ബ്രണ്ട്, മെഗ് ലാനിങ് എന്നിവര് നേരത്തെ തന്നെ ഈ നേട്ടം കൈവരിച്ചിട്ടുണ്ട്. സിവര് ബ്രണ്ടിന് 1246 റണ്സും ലാനിങ്ങിന് 1145 റണ്സുമാണുള്ളത്. ഹര്മന് 1091 റണ്സും ടൂര്ണമെന്റില് സ്കോര് ചെയ്തു.
അതേസമയം, മത്സരത്തില് ദല്ഹി ക്യാപിറ്റല്സ് ബാറ്റിങ് തുടരുകയാണ്. നിലവില് ടീം രണ്ട് വിക്കറ്റിന് 96 റണ്സെടുത്തിട്ടുണ്ട്. 12 പന്തില് പത്ത് റണ്സെടുത്ത ലോറ വോള്വാര്ഡ്ട്ടും 12 പന്തില് 11 റണ്സെടുത്ത ജെമീമ റോഡ്രിഗസുമാണ് ക്രീസിലുള്ളത്.
ഷെഫാലിക്ക് പുറമെ ലീസല്ലെ ലീയെയും ദല്ഹിക്ക് നഷ്ടമായി. താരം 28 പന്തില് 46 റണ്സാണ് എടുത്തത്. വൈഷ്ണവി ശര്മയും അമന്ജോത് കൗറുമാണ് മുംബൈക്കായി വിക്കറ്റു വീഴ്ത്തിയത്.
Innings Break!
Crucial contributions from Natalie Sciver-Brunt and Harmanpreet Kaur guide #MI to 1⃣5⃣4⃣/5⃣ 👌#DC‘s chase coming 🆙 ⌛
Scorecard ▶️ https://t.co/GUiylorLwE #TATAWPL | #KhelEmotionKa | #DCvMI️ pic.twitter.com/kcxePDZqtg
— Women’s Premier League (WPL) (@wplt20) January 20, 2026
മത്സരത്തില് ആദ്യം ബാറ്റ് ചെയ്ത മുംബൈ അഞ്ച് വിക്കറ്റിന് 154 റണ്സെടുത്തിരുന്നു. നാറ്റ് സിവര് ബ്രണ്ടും ഹര്മന് പ്രീത് കൗറുമാണ് മികച്ച പ്രകടനം നടത്തിയത്. സിവര് ബ്രണ്ട് 45 പന്തില് 65 റണ്സും കൗര് 33 പന്തില് 41 റണ്സും നേടി.
ദല്ഹിക്കായി നല്ലപുരേഡ്ഡി ചരണി മൂന്ന് വിക്കറ്റ് സ്വന്തമാക്കി. മാരിസന് കാപ്പും നന്ദിനി ശര്മയും ഓരോ വിക്കറ്റും വീഴ്ത്തി.
Content Highlight: Shafali Verma became first Indian to complete 1000 runs in WPL after Harmanpreet Kaur
