ആവറേജ് സക്സസായ ആ മമ്മൂട്ടി ചിത്രത്തിന് പിന്നാലെ വന്ന പഞ്ചാഗ്നി സൂപ്പര് ഡ്യൂപ്പറായി: സെവന് ആര്ട്സ് വിജയകുമാര്
എന്റര്ടെയിന്മെന്റ് ഡെസ്ക്
Monday, 18th August 2025, 8:55 am
മലയാളത്തിലെ അറിയപ്പെടുന്ന നിര്മാതാക്കളില് ഒരാളാണ് സെവന് ആര്ട്സ് വിജയകുമാര്. മലയാള ചലച്ചിത്ര മേഖലയിലെ സൂപ്പര്ഹിറ്റ് വാണിജ്യ സിനിമകള്ക്ക് പേരുകേട്ട ഒരു നിര്മാണ സ്ഥാപനമാണ് സെവന് ആര്ട്സ്.
സെവന് ആര്ട്സ് ഇന്റര്നാഷണല് ലിമിറ്റഡിന്റെ ബാനറില് സൂപ്പര്താരങ്ങളുമായി ചേര്ന്ന് നിരവധി മികച്ച സിനിമകള് അദ്ദേഹം നല്കിയിട്ടുണ്ട്. ഇതുവരെ 40ല് അധികം ചിത്രങ്ങള് നിര്മിക്കുകയും 1985 മുതല് വിവിധ ഭാഷകളിലായി 70 ചിത്രങ്ങള് വിതരണം ചെയ്യുകയും ചെയ്തിട്ടുണ്ട്.
1985ല് ഇറങ്ങിയ കാതോട് കാതോരം എന്ന സരിത-മമ്മൂട്ടി ചിത്രമായിരുന്നു സെവന് ആര്ട്സിന്റെ ബാനറില് എത്തിയ ആദ്യ സിനിമ. തൊട്ടടുത്ത വര്ഷമിറങ്ങിയ ഗീത-മോഹന്ലാല് ചിത്രമായ പഞ്ചാഗ്നിയായിരുന്നു അവരുടെ രണ്ടാമത്തെ പ്രോജക്ട്.
‘സാമ്പത്തികമായി വലിയ നേട്ടങ്ങളൊന്നും തന്നില്ലെങ്കിലും കാതോട് കാതോരം നഷ്ടങ്ങളും വരുത്തിയിരുന്നില്ല. അന്ന് പിന്നെ വേറെ റവന്യൂവൊന്നും ഉണ്ടാവില്ലല്ലോ. തിയേറ്ററില് നിന്നും ലഭിക്കുന്നത് മാത്രമേ ഉണ്ടാകുകയുള്ളൂ.
‘പഞ്ചാഗ്നി ഒരു ഗ്രേറ്റ് സക്സസായിരുന്നു. കാതോട് കാതോരം ആവറേജ് സക്സസ് ആണെങ്കില് ഈ സിനിമ സൂപ്പര് ഡ്യൂപ്പറായിരുന്നു. പഞ്ചാഗ്നിക്ക് നല്ല അംഗീകാരവും കിട്ടിയിരുന്നു. ചിത്രം ഇന്ത്യന് പനോരമക്ക് പോയി. അവിടുന്ന് ഇന്റര്നാഷണല് ഫിലിം ഫെസ്റ്റിവലില് എത്തി.