ആരാധകര് ആവേശത്തോടെ കാത്തിരിക്കുന്ന ഇന്ത്യയും അയര്ലാന്ഡും തമ്മിലുള്ള ടി – 20 പരമ്പരയ്ക്ക് ഇന്ന് ഇന്ന് തുടക്കമാവുകയാണ്. ബെല് ഫാസ്റ്റിലെ സിവില് സര്വീസ് ഗ്രൗണ്ടിലാണ് ഈ മത്സരം അരങ്ങേറുക. ജൂണ് 28നാണ് പരമ്പരയിലെ അവസാനത്തെയും രണ്ടാമത്തെയും ടി – 20 മത്സരം ഷെഡ്യൂള് ചെയ്തിരിക്കുന്നത്.
ശ്രേയസ് അയ്യര് ക്യാപ്റ്റനായതിന് ശേഷം ഇന്ത്യ കളത്തിലിറങ്ങുന്ന ആദ്യ പരമ്പരയാണിത്. ഒപ്പം ടി – 20 ലോകകപ്പിലെ പ്ലെയര് ഓഫ് ദി ടൂര്ണമെന്റ് സ്വന്തമാക്കിയതിന് ശേഷം മലയാളികളുടെ പ്രിയതാരം സഞ്ജു സാംസണ് ആദ്യമായി ഇന്ത്യന് ജേഴ്സിയില് ഇറങ്ങുന്നുവെന്ന പ്രത്യേകതയുമുണ്ട്.
ഈ പരമ്പരക്കായി ഇറങ്ങുമ്പോള് മലയാളി താരം സഞ്ജുവിന് ഒരു തകര്പ്പന് നേട്ടം സ്വന്തമാക്കാനുള്ള അവസരമുണ്ട്. ഇന്ത്യ – അയര്ലാന്ഡ് ടി – 20യില് ഏറ്റവും കൂടുതല് റണ്സ് നേടിയ താരങ്ങളില് മുന്നേറാന് മലയാളി ബാറ്റര്ക്ക് സാധിക്കുക. നിലവില് താരത്തിന് ഈ ലിസ്റ്റില് അഞ്ചാം സ്ഥാനത്താണ്. അയര്ലാന്ഡിനെതിരെ മൂന്ന് മത്സരങ്ങളില് കളിച്ച താരം 118 റണ്സെടുത്തിട്ടുണ്ട്.
ഈ ലിസ്റ്റില് മുന് ഇന്ത്യന് നായകന് രോഹിത് ശര്മയാണ് ഒന്നാമതുള്ളത്. നാല് മത്സരങ്ങളില് നിന്ന് 201 റണ്സാണ് താരത്തിന്റെ സമ്പാദ്യം. ഇന്ത്യ – അയര്ലാന്ഡ് ടി – 20യില് 200 റണ്സ് നേടിയ ഏക താരവും ഹിറ്റ്മാന് തന്നെയാണ്.
രണ്ട് മത്സരങ്ങളില് തകര്ത്തടിച്ചാല് ഈ നേട്ടത്തില് തലപ്പെത്താന് സഞ്ജുവിന് അവസരമുണ്ട്. രോഹിത്തിനെ മറികടക്കാന് സഞ്ജുവിന് വേണ്ടത് വെറും 84 റണ്സാണ്.
(താരം – ടീം – മത്സരങ്ങള് – റണ്സ് എന്നീ ക്രമത്തില്)
രോഹിത് ശര്മ – ഇന്ത്യ – 4 – 201
ആന്ഡി ബാല്ബിര്ണി – അയര്ലാന്ഡ് – 7 – 161
ദീപക് ഹൂഡ – ഇന്ത്യ – 2 – 151
ഹാരി ടെക്ടര് – അയര്ലാന്ഡ് – 5 – 123
സഞ്ജു സാംസണ് – ഇന്ത്യ – 3 – 118
സുരേഷ് റെയ്ന – ഇന്ത്യ – 3 – 79
അതേസമയം, ഇന്ത്യന് ടീമില് 15 കാരന് വൈഭവ് സൂര്യവംശിയും ഇടം പിടിച്ചിട്ടുണ്ട്. അതിനാല് തന്നെ താരത്തിന്റെ അരങ്ങേറ്റമുണ്ടാകുമോ എന്ന ആകാംക്ഷയിലാണ് ആരാധകര്.
Content Highlight: Sanju Samson needs 84 runs to surpass tops the list of most runs in India vs Ireland T20I by surpassing Rohit Sharma
