മാറ്റത്തിന്റെ ആളുകള്‍ക്കൊപ്പം ഓര്‍മയിലെടുത്ത് വെക്കാന്‍ ഒരു സായാഹ്നം; ഗോവ ചലച്ചിത്ര മേളയില്‍ ഫാമിലി മാന്‍ ടീമിനൊപ്പം സാമന്ത

ഗോവ അന്താരാഷ്ട്ര ചലച്ചിത്ര മേളയില്‍ പങ്കെടുത്ത് തെന്നിന്ത്യന്‍ സൂപ്പര്‍താരം സാമന്ത റുത്പ്രഭു. ‘ഫാമിലി മാന്‍ 2’ സീരിസിന്റെ ടീമിനൊപ്പമാണ് താരം ഐ.എഫ്.എഫ്.ഐയില്‍ പങ്കെടുത്തത്.

ഫാമിലി മാന്റെ ഡയറക്ടര്‍മാരായ രാജ് നിഡിമൊരു, കൃഷ്ണ ഡി.കെ. എന്നിവര്‍ക്കൊപ്പമാണ് സാമന്ത ഞായറാഴ്ച മേളയില്‍ പങ്കെടുത്തത്. തനിക്ക് ഏറെ ശ്രദ്ധിക്കപ്പെട്ട കഥാപാത്രം നല്‍കിയ സീരിസിന്റെ മേക്കേഴ്‌സിനൊപ്പം ചലച്ചിത്രമേളയില്‍ പങ്കെടുക്കാന്‍ സാധിച്ചതിന്റെ സന്തോഷം താരം സമൂഹമാധ്യമങ്ങളിലൂടെ പങ്കുവെയ്ക്കുകയും ചെയ്തു.

തന്റെ ഇന്‍സ്റ്റഗ്രാം പേജിലൂടെയാണ് താരം ഫോട്ടോകള്‍ പങ്കുവെച്ചത്.