കൊല്ലം: കവി കുരീപ്പുഴ ശ്രീകുമാറിനു നേരെ ആക്രമണം. കൊല്ലം അഞ്ചല് കോട്ടുക്കാലില് വെച്ചാണ് അക്രമണമുണ്ടായത്. വടയമ്പാടി സമരത്തെക്കുറിച്ച് സംസാരിച്ചപ്പോള് ആര്.എസ്.എസ് പ്രവര്ത്തകരാണ് ആക്രമിച്ചതെന്ന് അദ്ദേഹം പറഞ്ഞു.
കോട്ടുക്കല് കൈരളി ഗ്രന്ഥശാലയുടെ അമ്പതാം വാര്ഷികത്തിന്റെ സമാപന സമ്മേളനം കഴിഞ്ഞപ്പോഴായിരുന്നു കൈയ്യേറ്റം. ഇന്ത്യയിലെ വര്ഗ്ഗീയതയെക്കുറിച്ചും മറ്റും ഉദ്ഘാടന പ്രസംഗത്തില് കുരീപ്പുഴ സംസാരിച്ചതില് പ്രകോപിതരായാണ് ആര്.എസ്.എസ് പ്രവര്ത്തകര് കൈയ്യേറ്റം ചെയ്തത്.
ഉദ്ഘാടനം കഴിഞ്ഞ് കവി കാറില് കയറിപ്പോഴായിരുന്നു കാറിനടുത്തെത്തിയ അക്രമികള് കാറിന്റെ ഡോര്വലിച്ച് തുറന്ന് കൈയ്യേറ്റം ചെയ്തത്. ആര്.എസ്.എസ് പ്രവര്ത്തകരാണ് തന്നെ അക്രമിച്ചതെന്ന് കുരീപ്പുഴ പ്രതികരിച്ചു. വടയമ്പാടി ജാതി മതില് വിരുദ്ധ സമരത്തെക്കുറിച്ച് സംസാരിച്ചതിന്റെ പേരിലാണ് അക്രമണമെന്നും അദ്ദേഹം പറയുന്നു.