ഐ.പി.എല്ലില് ദല്ഹി ക്യാപ്പിറ്റല്സും റോയല് ചലഞ്ചേഴ്സ് ബെംഗളൂരുവും തമ്മിലുള്ള വമ്പന് പോരാട്ടമാണ് നടക്കുന്നത്. അരുണ് ജെയ്റ്റ്ലി സ്റ്റേഡിയത്തില് നടക്കുന്ന മത്സരത്തില് ടോസ് നേടിയ ബെംഗളൂരു ദല്ഹിയെ ആദ്യം ബാറ്റിങ്ങിന് അയച്ചു. എന്നാല് 16.3 ഓവറില് 75 റണ്സിന് ഓള് ഔട്ട് ആവുകയായിരുന്നു ദല്ഹി. ഇതോടെ ഒരു തകര്പ്പന് റെക്കോഡ് സ്വന്തമാക്കാനും ബെംഗളൂരുവിന് സാധിച്ചിരിക്കുകയാണ്.
— Royal Challengers Bengaluru (@RCBTweets) April 27, 2026
ഐ.പി.എല്ലില് ഏറ്റവും കൂടുതല് തവണ എതിരാളികളെ 100 റണ്സിനുള്ളില് പിടിച്ചുകെട്ടുന്ന ടീമാകാനാണ് ബെംഗളൂരുവിന് സാധിച്ചത്. ഈ നേട്ടത്തില് മുംബൈ ഇന്ത്യന്സിനെ മറികടന്നാണ് ബെംഗളൂരു ഒന്നാം സ്ഥാനത്തേക്ക് കുതിച്ചത്.
ഐ.പി.എല്ലില് ഏറ്റവും കൂടുതല് തവണ എതിരാളികളെ 100 റണ്സിനുള്ളില് പിടിച്ചുകെട്ടുന്ന ടീം
റോയല് ചലഞ്ചേഴ്സ് ബെംഗളൂരു – 9*
മുംബൈ ഇന്ത്യന്സ് – 8
ചെന്നൈ സൂപ്പര് കിങ്സ് – 7
കൊല്ക്കത്ത നൈറ്റ് റൈഡേഴ്സ് – 6
സണ്റൈസേഴ്സ് ഹൈദരാബാദ് – 4
പഞ്ചാബ് കിങ്സ് – 4
രാജസ്ഥാന് റോയല്സ് – 4
ദല്ഹി ക്യാപ്പിറ്റല്സ് – 2
ഗുജറാത്ത് ടൈറ്റന്സ് – 1
ലഖ്നൗ സൂപ്പര് ജയന്റ്സ് – 0
സൂപ്പര് പേസര്മാരായ ഭുവനേശ്വര് കുമാറിന്റെയും ജോഷ് ഹേസല്വുഡ്ഡിന്റെയും മിന്നല് സ്പെല്ലിന് മുന്നില് മുട്ടുകുത്തുകയായിരുന്നു ദല്ഹി. മത്സരത്തിലെ പവര്പ്ലെയില് ആറ് വിക്കറ്റ് നഷ്ടത്തില് 13 റണ്സ് മാത്രമായിരുന്നു ദല്ഹിയുടെ പക്കലുണ്ടായിരുന്നത്. ഇത് ഐ.പി.എല്ലിലെ ഏറ്റവും ചെറിയ പവര്പ്ലേ സ്കോര് കൂടിയാണ്.
