നിയമസഭാ തെരഞ്ഞെടുപ്പില് നേമത്ത് മത്സരിക്കും; പ്രഖ്യാപനവുമായി രാജീവ് ചന്ദ്രശേഖര്
ഡൂള്ന്യൂസ് ഡെസ്ക്
Tuesday, 2nd December 2025, 9:00 pm
തൃശൂര്: 2026 നിയമസഭാ തെരഞ്ഞെടുപ്പില് നേമം മണ്ഡലത്തില് നിന്ന് മത്സരിക്കുമെന്ന് ബി.ജെ.പി സംസ്ഥാന അധ്യക്ഷന് രാജീവ് ചന്ദ്രശേഖര്. വരുന്ന തെരഞ്ഞെടുപ്പില് മത്സരിക്കുമെന്ന കാര്യം നൂറ് ശതമാനം ഉറപ്പുള്ളതാണെന്നും രാജീവ് ചന്ദ്രശേഖര് പറഞ്ഞു.
തൃശൂര് പ്രസ് ക്ലബ് സംഘടിപ്പിച്ച ‘വോട്ട് വൈബ്’ എന്ന മുഖാമുഖം പരിപാടിയിലാണ് രാജീവ് ചന്ദ്രശേഖറിന്റെ പ്രഖ്യാപനം. ഭരണം കിട്ടിയാല് 45 ദിവസത്തിനകം വികസന പദ്ധതി പ്രഖ്യാപിക്കുമെന്നും അദ്ദേഹം കൂട്ടിച്ചേര്ത്തു.
ഭരണശൈലിയില് മാറ്റം വരുത്തുമെന്നും അദ്ദേഹം എയിംസിനായി സംസ്ഥാന സര്ക്കാര് ഭൂമി ഏറ്റെടുത്ത് നല്കിയിട്ടില്ലെന്നും രാജീവ് ചന്ദ്രശേഖര് പറഞ്ഞു.
