കഴിഞ്ഞ ദിവസം പാകിസ്ഥാനെതിരെ നടന്ന ഏകദിന മത്സരത്തില് സൗത്ത് ആഫ്രിക്ക എട്ട് വിക്കറ്റിന്റെ വിജയമാണ് സ്വന്തമാക്കിയത്. ടോസ് നേടി ആദ്യം ബാറ്റ് ചെയ്ത പാകിസ്ഥാന് ഒമ്പത് വിക്കറ്റ് നഷ്ടത്തില് 269 റണ്സ് നേടിയപ്പോള് മറുപടി ബാറ്റിങ്ങില് പ്രോട്ടിയാസ് രണ്ട് വിക്കറ്റ് നഷ്ടത്തില് 270 റണ്സ് നേടി വിജയം സ്വന്താക്കുകയായിരുന്നു.
🚨 MATCH RESULT 🚨
A commanding run chase from #TheProteas Men sees them secure an 8-wicket victory in Faisalabad! 🇿🇦🏏
The ODI series is now level at 1-1, with the decider set for Saturday. 🔥 pic.twitter.com/WnCZddoGRf
— Proteas Men (@ProteasMenCSA) November 6, 2025
മത്സരത്തില് പ്രോട്ടിയാസിന് വേണ്ടി ഓപ്പണറായി ഇറങ്ങിയ ക്വിന്റണ് ഡി കോക്ക് 119 പന്തില് പുറത്താവാതെ 123 റണ്സ് നേടി വമ്പന് പ്രകടനമാണ് കാഴ്ചവെച്ചത്. ഏഴ് സിക്സും എട്ട് ഫോറും അടങ്ങുന്നതായിരുന്നു താരത്തിന്റെ ഇന്നിങ്സ്. നേരിട്ട 96ാം പന്തിലാണ് താരം സെഞ്ച്വറി നേടിയത്. നേരത്തെ, പരമ്പരയിലെ ആദ്യ മത്സരത്തില് താരം അര്ധ സെഞ്ച്വറിയും നേടിയിരുന്നു. വിരമിക്കല് പിന്വലിച്ച് അന്താരാഷ്ട്ര ക്രിക്കറ്റില് മടങ്ങിയെത്തിയ രണ്ടാം മത്സരത്തിലാണ് താരം സൂപ്പര് ബാറ്റിങ് പുറത്തെടുത്തത്.
