കാമ്പസും പ്രണയവുമായി വീണ്ടും അര്ജുനും അനശ്വരയും മമിതയും; പ്രണയ വിലാസം ടീസര്
എന്റര്ടെയിന്മെന്റ് ഡെസ്ക്
Saturday, 11th February 2023, 6:32 pm
അനശ്വര രാജന്, മമിത ബൈജു, അര്ജുന് അശോകന് എന്നിവര് ഒന്നിക്കുന്ന പ്രണയ വിലാസത്തിന്റെ ടീസര് പുറത്ത്. വീടിന്റെ ടെറസിലിരിക്കുന്ന അര്ജുനേയും മമിതയേയും കാണിച്ചുകൊണ്ടാണ് ടീസര് തുടങ്ങുന്നത്. ഇതിന് ശേഷം അനശ്വര രാജന്, മിയ ജോര്ജ് എന്നിവരിലൂടെയും ടീസര് കടന്നുപോകുന്നുണ്ട്.
ചിത്രത്തിലേതായി നേരത്തെ പുറത്തുവന്ന ‘കാതല് മരങ്ങള്’ എന്ന പാട്ട് ശ്രദ്ധ നേടിയിരുന്നു. സൂപ്പര് ശരണ്യക്ക് ശേഷം അര്ജുനും മമിതയും അനശ്വരയും വീണ്ടും ഒന്നിക്കുന്ന ചിത്രമാണ് പ്രണയ വിലാസം. ഫെബ്രുവരി 17നാണ് ചിത്രം റിലീസ് ചെയ്യുന്നത്. നിഖില് മുരളി സംവിധാനം ചെയ്യുന്ന ഈ ചിത്രത്തില് ഹക്കീം ഷാ, മനോജ് കെ.യു. തുടങ്ങിയവരും അഭിനയിക്കുന്നു.
