ദേശാഭിമാനി സെമിനാറില് കുഞ്ഞാലിക്കുട്ടി പങ്കെടുക്കില്ല; മുനവറലി തങ്ങളും പിന്മാറി
ഡൂള്ന്യൂസ് ഡെസ്ക്
Tuesday, 27th December 2022, 4:22 pm
മലപ്പുറം: ദേശാഭിമാനി സെമിനാറില് പങ്കെടുക്കില്ലെന്ന് മുസ് ലിം ലീഗ് ദേശീയ ജനറല് സെക്രട്ടറി പി.കെ. കുഞ്ഞാലിക്കുട്ടി. ദേശാഭിമാനി വാര്ഷികാഘോഷ സെമിനാറില് നിന്നാണ് കുഞ്ഞാലിക്കുട്ടി പിന്മാറിയത്.
ദേശാഭിമാനി 80ാം വാര്ഷികത്തിന്റെ ഭാഗമായി സംഘടിപ്പിച്ച മലപ്പുറം മഹോത്സവത്തിലെ ‘ബഹുസ്വരതയും ജനാധിപത്യവും’ എന്ന വിഷയത്തിലുള്ള സിമ്പോസിയത്തില് പങ്കെടുക്കുമെന്നാണ് കുഞ്ഞാലിക്കുട്ടി നേരത്തെ സംഘാടകരെ അറിയിച്ചത്.
കെ.ടി. ജലീല് എം.എല്.എ ഉള്പ്പെടുന്ന പാനലിലായിരുന്നു കുഞ്ഞാലിക്കുട്ടി പങ്കെടുക്കേണ്ടിയിരുന്നത്. കെ.പി.സി.സി ജനറല് സെക്രട്ടറി ആര്യാടന് ഷൗക്കത്ത്, സി.പി.ഐ സംസ്ഥാന അസി. സെക്രട്ടറി പി.പി. സുനീര്, സി.പി.ഐ.എം സംസ്ഥാന സെക്രട്ടറിയേറ്റംഗം എം. സ്വരാജ്, കേരള ജമാഅത്ത് സെക്രട്ടറി എന്. അലി അബ്ദുള്ള, ഡോ. ഷീന ഷുക്കൂര് എന്നിവരാണ് മറ്റ് പാനലിസ്റ്റുകള്.
