പ്രശസ്ത ഫോട്ടോഗ്രാഫര് പുനലൂര് രാജന് അന്തരിച്ചു
ഡൂള്ന്യൂസ് ഡെസ്ക്
Saturday, 15th August 2020, 8:55 am
കോഴിക്കോട്: പ്രശസ്ത ഫോട്ടോഗ്രാഫര് പുനലൂര് രാജന് (81) അന്തരിച്ചു. ശനിയാഴ്ച രാവിലെ 1.40 ഓടെയായിരുന്നു അദ്ദേഹത്തിന്റെ മരണം. പഴയകാല രാഷ്ട്രീയ- സാംസ്കാരിക പ്രമുഖരുടെ അപൂര്വ്വമായ ബ്ലാക്ക് ആന്റ് വൈറ്റ് ചിത്രങ്ങള് പകര്ത്തിയ ഫോട്ടോഗ്രാഫറായിരുന്നു പുനലൂര് രാജന്. കോഴിക്കോട് തിരുവണ്ണൂരിലായിരുന്നു താമസിച്ചിരുന്നത്.
വൈക്കം മുഹമ്മദ് ബഷീര്, തകഴി, ജോസഫ് മുണ്ടശ്ശേരി, എകെജി, ഇ.എം.എസ്, സുകുമാര് അഴീക്കോട്, ഇന്ദ്രജിത്ത് ഗുപ്ത, എസ്.എ ഡാങ്കേ, സി.അച്യുതമേനോന്, എം.എന് ഗോവിന്ദന് നായര്, പി.കെ വാസുദേവന് നായര്, എം.ടി വാസുദേവന് നായര്, എസ്.കെ പൊറ്റെക്കാട്ട്, ഇടശ്ശേരി, ഉറൂബ്, അക്കിത്തം, പൊന്കുന്നം വര്ക്കി, അടൂര് ഗോപാലകൃഷ്ണന്, എന്.വി കൃഷ്ണവാരിയര്, കേശവദേവ്, യേശുദാസ്, എന്നിവരുടെയെല്ലാം അപൂര്വ ചിത്രങ്ങള് ഇദ്ദേഹം എടുത്തിട്ടുണ്ട്.
