ഓസ്ട്രേലിയക്കെതിരായ ടി-20 പരമ്പരയിലെ ആദ്യ മത്സരത്തില് വിജയം സ്വന്തമാക്കി ആതിഥേയരായ പാകിസ്ഥാന്. ഗദ്ദാഫി സ്റ്റേഡിയത്തില് നടന്ന മത്സരത്തില് 22 റണ്സിനാണ് പാകിസ്ഥാന് കങ്കാരുക്കളെ പരാജയപ്പെടുത്തിയത്. മത്സരത്തില് ടോസ് നഷ്ടപ്പെട്ട് ബാറ്റിങ്ങിനിറങ്ങിയ പാകിസ്ഥാന് 168 റണ്സായിരുന്നു സ്വന്തമാക്കിയത്. എന്നാല് മറുപടി ബാറ്റിങ്ങില് ഓസീസിന് എട്ട് വിക്കറ്റ് നഷ്ട്ത്തില് 146 റണ്സ് മാത്രമാണ് നേടാനായത്.
2018ന് ശേഷമുള്ള നാല് ടി-20 പരമ്പരയിലും പാകിസ്ഥാനെ പരാജയപ്പെടുത്തിയ ഓസീസിന്, നിര്ണായക പരമ്പരയില് തുടക്കം പിഴച്ചത് ചര്ച്ചയാകകുകയാണ്. ഇതോടെ ഓസ്ട്രേലിയയുടെ വിന്നിങ് സ്ട്രീക്കിന് വിരാമമിടാനും പാകിസ്ഥാന് സാധിച്ചേക്കും.
Pakistan’s bowling attack does the job against Australia as they move 1-0 ahead in the T20I series 👊
അതേസമയം മത്സരത്തില് പാകിസ്ഥാന് വേണ്ടി മിന്നും ബാറ്റിങ് പ്രകടനം നടത്തിത് 22 പന്തില് 40 റണ്സ് നേടിയ ഓപ്പണര് സയിം അയൂബാണ്. രണ്ട് സിക്സും മൂന്ന് ഫോറുമായിരുന്നു താരത്തിന്റെ ഇന്നിങ്സില് ഉണ്ടായിരുന്നത്. താരത്തിന് പുറമെ 27 പന്തില് 37 റണ്സ് നേടിയ ക്യാപ്റ്റന് സല്മാന് അലി ആഘയും മികച്ചുനിന്നു. നാലാം സ്ഥാനത്ത് ഇറങ്ങിയ ബാബര് അസം 20 പന്തില് 24 റണ്സും അക്കൗണ്ടിലാക്കി.
ഓസീസിന് വേണ്ടി മികച്ച ബൗളിങ് പ്രകടനം നടത്തിയത് ആദം സാംപയാണ്. നാല് വിക്കറ്റുകളാണ് താരം സ്വന്തമാക്കിയത്. മാത്രമല്ല മഹ്ലി ബിയേഡ് മാന്, സേവിയര് ബാര്ട്ലറ്റ് എന്നിവര് രണ്ട് വിക്കറ്റുകള് വീതവും നേടി.
