എന്ത് എന്.ആര്.സി ?ബിഹാറില് ദേശീയ പൗരത്വ പട്ടിക നടപ്പാക്കില്ലെന്ന സൂചന നല്കി നിതീഷ്കുമാര്
ഡൂള്ന്യൂസ് ഡെസ്ക്
Friday, 20th December 2019, 5:15 pm
ന്യൂദല്ഹി: ബിഹാറില് ദേശീയ പൗരത്വ പട്ടിക നടപ്പാക്കില്ലെന്ന സൂചന നല്കി ബിഹാര് മുഖ്യമന്ത്രി നിതീഷ് കുമാര്.
എന്.ആര്.സിയെക്കുറിച്ചുള്ള മാധ്യമപ്രവര്ത്തകരുടെ ചോദ്യത്തിന് എന്ത് എന്.ആര്.സി എന്നായിരുന്നു നിതീഷിന്റെ പ്രതികരണം.
ബിഹാറില് എന്.ആര്.സി ഉണ്ടാകില്ലെന്ന് നിതീഷ് കുമാര് ഉറപ്പ് നല്കിയിട്ടുണ്ടെന്ന് ശനിയാഴ്ച നിതീഷ് കുമാറുമായുള്ള കൂടിക്കാഴ്ചയ്ക്ക് ശേഷം ജെ.ഡി.യു നേതാവും തെരഞ്ഞെടുപ്പ് തന്ത്രജ്ഞനുമായ പ്രശാന്ത് കിഷോര് അവകാശപ്പെട്ടിരുന്നു.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
അതേ സമയം നിതീഷ് കുമാര് എന്.ആര്.സി യെക്കുറിച്ച് ഔദ്യോഗികമായി ഒന്നും പറഞ്ഞിട്ടില്ല. ബി.ജെ.പിയുടെ മറ്റൊരു സഖ്യകക്ഷിയായ അകാലിദളും എന്.ആര്.സിയിലും പൗരത്വ ഭേദഗതി നിയമത്തിലും പരസ്യമായി എതിര്പ്പ് പ്രകടിപ്പിച്ചിട്ടുണ്ട്.
