തിങ്കളാഴ്ച ഈജിപ്ഷ്യന് ആക്ടിവിസ്റ്റ് അനസ് ഹബീബ് ഫോണില് സ്വയം ചിത്രീകരിച്ച ദൃശ്യങ്ങള് പുറത്തുവിട്ടതോടെയാണ് എംബസിക്കെതിരായ പ്രതിഷേധം ചര്ച്ചയായത്. ഹേഗിലെ എംബസി കെട്ടിടത്തിലേക്ക് പോകുന്ന വീഡിയോയാണ് അനസ് പുറത്തുവിട്ടത്.
“Ils n’ont pas pu supporter un siège plus d’une seconde, imaginez ce que ressentent les gens à Gaza en entendant vos mensonges chaque jour depuis 2 ans” : un militant égyptien a verrouillé les grilles de l’ambassade d’Égypte aux Pays-Bas pour symboliser le blocus de Gaza. pic.twitter.com/lg2Lo5lCYn
ഗസയ്ക്കും ഈജിപ്തിനും ഇടയിലുള്ള സുപ്രധാനമായ ക്രോസിങ് മേഖലയാണ് റഫ. എന്നാല് റഫ അതിര്ത്തി തുറക്കാന് ഈജിപ്ത് ഇതുവരെ തയ്യാറായിട്ടില്ല. ഇസ്രഈലിന്റെ ഉപരോധത്തിലും ആക്രമണത്തിലും ഫലസ്തീനികള് മരിച്ചുവീഴുന്ന സാഹചര്യത്തിലും അതിര്ത്തി തുറക്കില്ലെന്ന തീരുമാനത്തിലാണ് ഈജിപ്ത് തുടരുന്നത്.
ഇസ്രഈല് ഉപരോധത്തെ തുടര്ന്ന് കഴിഞ്ഞ നാലര മാസമായി യു.എന് ഏജന്സിയായ അനര്വയുടെ സഹായ ട്രക്കുകള് ഈജിപ്തിലും ജോര്ദാനിലുമായി കുടുങ്ങിക്കിടക്കുകയാണ്. നേരത്തെ റഫ അതിര്ത്തിയിലൂടെ ഗസയിലേക്ക് കടക്കാന് ശ്രമിച്ച യു.എന് പ്രവര്ത്തകരെ ഇസ്രഈല് സൈന്യം കസ്റ്റഡിയിലെടുക്കുകയും ആക്രമിക്കുകയും ചെയ്തതായി റിപ്പോര്ട്ടുകളുണ്ടായിരുന്നു.
നിലവിലെ കണക്കുകള് പ്രകാരം, ഗസയിലെ വെടിനിര്ത്തല് കരാര് ലംഘിച്ച് ഇസ്രാഈല് ആക്രമണം ആരംഭിച്ചതോടെ 80 കുട്ടികള് ഉള്പ്പെടെ 113 ഫലസ്തീനികള് പട്ടിണി മൂലം മരണപ്പെട്ടിട്ടുണ്ട്. തിങ്കളാഴ്ച മാത്രം പോഷകാഹാര കുറവ് മൂലം മരിച്ചത് 15 പേരാണ്.
കഴിഞ്ഞ 24 മണിക്കൂറിനുള്ളില് ഇസ്രഈലിന്റെ ആക്രമണത്തില് 79 പേര് കൊല്ലപ്പെടുകയും ചെയ്തു. 453 പേര്ക്ക് പരിക്കേല്ക്കുകയും ചെയ്തതായി ഫലസ്തീന് ആരോഗ്യ മന്ത്രാലയം അറിയിച്ചു. 2023 ഒക്ടോബര് ഏഴ് മുതല് ഇസ്രഈല് നടത്തിയ ആക്രമണങ്ങളില് 59,587 പലസ്തീനികളെ കൊല്ലുകയും 143,498 പേര്ക്ക് പരിക്കേല്ക്കുകയും ചെയ്തിട്ടുണ്ടെന്നാണ് കണക്കുകള് വ്യക്തമാക്കുന്നത്.
Content Highlight: Palestinian supporters chain up Egyptian embassy gate in The Hague
