ഏഷ്യാ കപ്പില് കഴിഞ്ഞ ദിവസം നടന്ന മത്സരത്തില് പാകിസ്ഥാന് യു.എ.ഇയെ പരാജയപ്പെടുത്തി സൂപ്പര് ഫോറിന് യോഗ്യതയുറപ്പിച്ചിരുന്നു. കഴിഞ്ഞ ദിവസം ദുബായ് അന്താരാഷ്ട്ര സ്റ്റേഡിയത്തില് നടന്ന മത്സരത്തില് 41 റണ്സിന്റെ വിജയമാണ് പാകിസ്ഥാന് സ്വന്തമാക്കിയത്.
സൂപ്പര് താരം ഷഹീന് അഫ്രിദിയുടെ ഓള്റൗണ്ട് മികവിലാണ് പാകിസ്ഥാന് ജയം സ്വന്തമാക്കിയത്. പാകിസ്ഥാന് ഉയര്ത്തിയ 147 റണ്സിന്റെ ലക്ഷ്യം പിന്തുടര്ന്നിറങ്ങിയ യു.എ.ഇ 17.4 ഓവറില് 105ന് പുറത്തായി.
36 പന്തില് 50 റണ്സ് നേടിയ ഫഖര് സമാനാണ് പാകിസ്ഥാന്റെ ടോപ് സ്കോറര്. 14 പന്തില് പുറത്താകാതെ 29 റണ്സടിച്ച ഷഹീന് അഫ്രിദി രണ്ടാമത് മികച്ച റണ് ഗെറ്ററായി.
മറുപടി ബാറ്റിങ്ങിനിറങ്ങിയ യു.എ.ഇക്ക് തുടക്കം പാളിയിരുന്നു. കഴിഞ്ഞ മത്സരത്തില് അര്ധ സെഞ്ച്വറി നേടിയ ക്യാപ്റ്റന് മുഹമ്മദ് വസീമിനും അലിഷന് ഷറഫുവിനും ആ മികവ് ആവര്ത്തിക്കാന് സാധിച്ചില്ല.
ഷറഫു എട്ട് പന്തില് 12 റണ്സും ക്യാപ്റ്റന് വസീം 15 പന്തില് 14 റണ്സും നേടി മടങ്ങി. പിന്നാലെയെത്തിയ സോഹിബ് ഖാന് നാല് റണ്സിനും പുറത്തായി.
നാലാം വിക്കറ്റില് രാഹുല് ചോപ്രയും ധ്രുവ് പരാശറും ചെറുത്തുനില്പിന് ശ്രമിച്ചെങ്കിലും വിജയലക്ഷ്യം മറികടക്കാന് അതൊന്നും പോരാതെ വരികയായിരുന്നു. പിന്നാലെയെത്തിയവരില് ഒരാളെ പോലും ഇരട്ടയക്കം കാണാന് പാകിസ്ഥാന് അനുവദിക്കാതിരിക്കുകയും ചെയ്തതോടെ ഗ്രീന് ആര്മി വിജയം സ്വന്തമാക്കുകയായിരുന്നു.
മത്സരത്തില് മികച്ച പ്രകടനം പുറത്തെടുക്കാനോ വിജയം സ്വന്തമാക്കാനോ സാധിച്ചില്ലെങ്കിലും ഒരു ചരിത്ര നേട്ടം തന്റെ പേരിലെഴുതിച്ചേര്ക്കാന് മുഹമ്മദ് വസീമിന് സാധിച്ചിരുന്നു. അന്താരാഷ്ട്ര ടി-20യില് ഏറ്റവുമധികം റണ്സ് നേടുന്ന അസോസിയേറ്റ് താരമെന്ന നേട്ടമാണ് വസീം സ്വന്തമാക്കിയത്.
(താരം – ടീം – ഇന്നിങ്സ് – റണ്സ് എന്നീ ക്രമത്തില്)
മുഹമ്മദ് വസീം – യു.എ.ഇ – 85 – 3,024*
വിരണ്ദീപ് സിങ് – മലേഷ്യ – 98 – 3,013
സയ്യിദ് അസീസ് – മലേഷ്യ – 105 – 2,680
റിച്ചാര്ഡ് ബെറിങ്ടണ് – 93 – 2,335
നിസാഖത് ഖാന് – ഹോങ് കോങ് – 114 – 2,324
മാക്സ് ഒ ഡൗഡ് – നെതര്ലന്ഡ്സ് – 84 – 2,309
ജോര്ജ് മന്സി – സ്കോട്ലാന്ഡ് – 79 – 2,309
നേരത്തെ യു.എ.ഇക്കെതിരായ മത്സരത്തിലാണ് താരം 3,000 ടി-20 റണ്സ് എന്ന നാഴികക്കല്ലിലെത്തിയത്. ഈ നേട്ടം സ്വന്തമാക്കുന്ന 11ാം താരവും വിരണ്ദീപ് സിങ്ങിന് ശേഷം ഈ റെക്കോഡ് സ്വന്തമാക്കുന്ന ആദ്യ അസോസിയേറ്റ് താരവുമാണ് വസീം.
ഏഷ്യാ കപ്പില് നിന്നും പുറത്തായ യു.എ.ഇ വേള്ഡ് ടി-20 ക്വാളിഫയറിലാണ് ഇനി കളത്തിലിറങ്ങുക. ഒക്ടോബര് എട്ടിന് നടക്കുന്ന മത്സരത്തിന് ഖത്തറാണ് വേദിയാകുന്നത്.
Content Highlight: Mohammad Wasim becomes the highest run-scorer among associate players in T20 Internationals